Rwanda: Nyuma yo gusakwa, Ingabire Victoire arakomeza kubazwa n'ubugenzacyaha

Inyandiko gusa
Ingabire Vicoire

Ahavuye isanamu, BBC GAHUZA

Ingabire Victoire, umunyapolitiki utavuga rumwe n'ubutegetsi mu Rwanda, yatangaje ko ku wa gatatu yatumijweho n'urwego rushinzwe gukurikirana ibyaha, ni nyuma y'iminsi micye habaye gusaka urugo rwe.

Nyuma y'ibazwa ryo kuwa gatatu, umuvugizi w'ishyaka akuriye yatagnaje ko Madamu Ingabire yasubiye mu rugo ariko "ibazwa rigikomeje". Ko azasubira kwitaba ubugenzacyaha kuwa gatanu tariki 19 z'uku kwezi.

Madamu Ingabire, ukuriye ishyaka DALFA-Umurinzi - ritaremerwa n'amategeko mu Rwanda - mu mezi ashize yakunze guhamagazwa n'uru rwego rugenza ibyaha.

Buri kwezi agomba kujya kwiyereka ubushinjacyaha nk'uko abitegetswe mu bigenwa n'imbabazi yahawe na perezida wa repubulika mu 2018.

Ku wa gatandatu ushize urugo rwe, hamwe n'urw'umunyapolitiki Bernard Ntaganda w'ishyaka PS-Imberakuri, zasatswe n'abashinzwe umutekano.

Ibinyamakuru bibogamiye kuri leta nyuma byatangaje ko Madamu Ingabire akekwaho gufatanya n'umwe mu bakozi ba leta bivuga ko "yafashwe ashaka kuva mu gihugu ngo ajye mu mitwe irwanya ubutegetsi bw'u Rwanda".

Bernard Ntaganda yabwiye BBC ko abaje kumusaka bari mu modoka esheshatu za polisi, iza RIB n'iza gisirikare, bose hamwe barenga 20, bose bafite na za 'masotera'.

Bwana Ntaganda yagize ati: "Ni ikintu cy'iterabwoba... no kwereka abaturage ngo uyu muntu nimumukurikira namwe bizagenda gutya".

Skip Ibisomwa cane and continue reading
Ibisomwa cane

End of Ibisomwa cane

Avuga kandi ko batwaye ibikoresho by'ikoranabuhanga bye nka mudasobwa, telefone, modem, n'amafaranga miliyoni n'imwe n'ibihumbi 78 yari afite mu nzu.

Tambuka X ubutumwa
Uremeye ibiri kuri X?

Iyi nkuru irimwo ivyatanzwe na X. Dukeneye uruhusha rwawe imbere yuko bigushikira, kuko birashobora kuba bikoresha cookies hamwe n'ubundi buhinga. Wobanza ugasoma aha X amategeko agenga cookien'ayagenga ubuzima bwite imbere yuko wemera. Kugira ubibone hitamwo 'emera hanyuma ubandanye'.

Uragaba: Ibitangwa n'izindi mbuga bishobora kubamwo gutangaza

Impera ya X ubutumwa

Bwana Bernard Ntaganda yabwiye BBC ko we atahamagajwe kwitaba ubugenzacyaha.

Amashyaka ya DALFA-Umurinzi na PS-Imberakuri akunze gusohora amatangazo yifatanyije avuga uko ku rundi ruhande abona ibyo leta yakora kuri politiki zitandukanye mu gihugu.

Mu gusaka inzu z'aba banyapoliki ibikoresho byabo by'itumanaho n'inyandiko, bavuga ko byatwawe n'abaje kubasaka.