Amerika na Israel byagabye igitero kuri Irani, mu gihe Trump avuga ko 'ibikorwa bikomeye by'imirwano' birimo kuba

Inyandiko gusa
Umwotsi uzamuka hejuru y'inyubako i Tehran muri Irani

Ahavuye isanamu, Vahid Online

Igihe co gusoma: iminota 2

Amerika na Israel byagabye igitero kuri Irani, mu gihe Perezida Donald Trump avuga ko "ibikorwa [operations] bikomeye by'imirwano" birimo kuba.

Bibaye nyuma yuko Minisitiri w'ingabo wa Israel, Israel Katz, avuze ko igihugu cye cyagabye "igitero cyo kuburizamo" kuri Irani, mu gihe ingabo za Israel zivuga ko mu kwihimura Irani yarashe ibisasu bya misile.

Amafoto agaragaza umwotsi uzamuka hejuru y'umurwa mukuru Tehran wa Irani, mu

gihe ibiturika byumvikanye mu mijyi itanu itandukanye yo muri icyo gihugu.

Amerika imaze igihe yongera igitutu kuri leta ya Irani kugira ngo yemere amasezerano mashya kuri gahunda yayo ya nikleyeri. Ku wa gatanu, Trump yavuze ko atishimiye aho Irani ihagaze mu biganiro kuri nikleyeri.

Ibitangazamakuru byo mu mahanga akenshi byangirwa kujya gutara amakuru muri Irani, ibyo bikagabanya cyane ubushobozi bwabyo bwo kubona amakuru y'ibibera imbere muri icyo gihugu.

Iyi ni inkuru y'aka kanya, irakomeza kugenda ivugururwa. Ukande kuri 'refresh' kugira ngo ubone amakuru mashya

Ifoto igaragaza umwotsi w'umweru uzamuka hejuru y'umusigiti muri Irani, nyuma y'igitero cy'Amerika na Israel kuri Irani. Imbere hari umugabo uri kuri moto, hirya hari imodoka.

Ahavuye isanamu, Vahid Online

Ikarita ya Irani irimo amabara y'ikijuju, umweru, n'ubururu igaragaza imijyi yo muri Irani yaragabweho igitero.
Insiguro y'isanamu, Imijyi itanu yo muri Irani yarashweho n'igitero cy'Amerika na Israel