Abakoresha Twitter mw'isekeza ry'ugushigikira abigeme b'abanyeshure bapfunzwe mu Burundi

Inyandiko gusa
Mu 2016 hariho abana bapfunzwe bahamwe n'icaha nk'ico nyene

Ahavuye isanamu, Getty Images

Insiguro y'isanamu, Mu 2016 hariho abana bapfunzwe bahamwe n'icaha nk'ico nyene

Abakoresha urubuga rwa Twitter barigana abanyeshure b'abigeme batatu bapfunzwe bagirizwa gufutanganya amasanamu y'umukuru w'igihugu c'Uburundi Petero Nkurunziza mw'isekeza ry'ukubashigikira.

Amasanamu yahindaguwe nabi ya Prezida Nkurunziza ariko arakwiragizwa kuri #FreeOurGirls.

Mu ndwi iheze, abo bigeme baragirijwe icaha c'ugutyoza umukuru w'igihugu, gishobora gutuma bapfungwa imyaka itanu.

Amashirahamwe aharanira agateka ka zina muntu yagiriza abategetsi b'Uburundi ko bama bariko barahohotera abaharanira agateka ka zina muntu be n'abatavuga rumwe na leta - icagiriji leta y'Uburundi ihakana.

Indwi zibiri ziraheze abo bigeme b'abanyeshure bafise imyaka 15, 16 na 17 y'amavuko bahagaritswe, inyuma y'aho amasanamu y'umukuru w'igihugu afutanganirijwe mu bitabo vyabo.

Mu nyuma, abandi banyeshure bane bari bapfunganywe nabo bararekuwe.

Aya ni amwe mu masanamu ariko akwiragizwa ku mbuga ngurukanabumenyi mu buryo bwo gushigikira abo bigeme:

Tambuka X ubutumwa, 1
Uremeye ibiri kuri X?

Iyi nkuru irimwo ivyatanzwe na X. Dukeneye uruhusha rwawe imbere yuko bigushikira, kuko birashobora kuba bikoresha cookies hamwe n'ubundi buhinga. Wobanza ugasoma aha X amategeko agenga cookien'ayagenga ubuzima bwite imbere yuko wemera. Kugira ubibone hitamwo 'emera hanyuma ubandanye'.

Uragaba: Ibitangwa n'izindi mbuga bishobora kubamwo gutangaza

Impera ya X ubutumwa, 1

Nkurunziza

Ahavuye isanamu, @RANDOMDUDEEU

Tambuka X ubutumwa, 2
Uremeye ibiri kuri X?

Iyi nkuru irimwo ivyatanzwe na X. Dukeneye uruhusha rwawe imbere yuko bigushikira, kuko birashobora kuba bikoresha cookies hamwe n'ubundi buhinga. Wobanza ugasoma aha X amategeko agenga cookien'ayagenga ubuzima bwite imbere yuko wemera. Kugira ubibone hitamwo 'emera hanyuma ubandanye'.

Uragaba: Ibitangwa n'izindi mbuga bishobora kubamwo gutangaza

Impera ya X ubutumwa, 2

Se w'umwe muri abo bigeme bapfunzwe yabwiye ishirahamwe riharanira agateka ka zina muntu Human Rights Watch ryatanguje iryo sekeza ko abo bana batinya n'ugufungura.

Skip Ibisomwa cane and continue reading
Ibisomwa cane

End of Ibisomwa cane

Human Rights Watch risaba leta y'Uburundi gupfungura abo bigeme, ahubwo ikitaho gutuza ihohotera iryo shirahamwe rivuga ko rikorwa n'inzego z'umutekano.

Lewis Mudge arongoye iryo shirahamwe mu karere ka Afrika yo hagati avuga ati: " Abategetsi bari bakwiye gukurikirana abakora ivyaha bikomeye vy'ihonyangwa ry'agateka ka zina muntu aho gupfunga abana b'abanyeshure bafutanganije amasanamu".

Mu mwaka wa 2016, abana b'abanyeshure batari bake barapfunzwe abandi baharugwa mu majana barirukanwa bagirizwa gufutanganya amasanamu y'umukuru w'igihugu.