Rhybudd melyn am eira a rhew i ogledd Cymru

Map yn dangos lle mae'r rhybudd melyn o eira a rhew yn y GogleddY Swyddfa Dywydd

Mae'r rhybudd yn berthnasol i holl siroedd y gogledd heblaw am Ynys Môn, a rhannau o Bowys

Mae'r Swyddfa Dywydd wedi cyhoeddi rhybudd melyn am eira a rhew ar gyfer rhannau helaeth o ogledd Cymru dros nos.

Daw'r rhybudd i rym am 18:00 nos Fawrth a bydd yn dod i ben am 09:00 fore Mercher.

Mae'r rhybudd yn berthnasol i holl siroedd y gogledd heblaw am Ynys Môn, a rhannau o Bowys.

Yn ôl y Swyddfa Dywydd mae disgwyl tua 1–3cm o eira, yn bennaf ar dir sydd uwchlaw tua 200 metr.

Gall rhai ffyrdd a rheilffyrdd gael eu heffeithio, allai arwain at gyfnodau teithio hirach ar y ffyrdd ac ar wasanaethau bysiau a thrên.

Dilynwch Cymru Fyw ar Facebook, X, Instagram neu TikTok.

Anfonwch unrhyw syniadau am straeon i cymrufyw@bbc.co.uk neu cysylltwch drwy WhatsApp ar 07709850033.

Lawrlwythwch yr ap am y diweddaraf o Gymru ar eich dyfais symudol.

Pynciau cysylltiedig