Dyn, 28, yn y llys wedi gwrthdrawiad angheuol Sir Gâr

Mae dyn, 28, wedi ymddangos yn y llys wedi ei gyhuddo o achosi marwolaeth drwy yrru'n beryglus mewn pentref gwledig yn Sir Gaerfyrddin ddiwedd 2024.

Roedd Aaron Jones, 38, o Lanpumsaint, allan yn cerdded ei gi yn y pentref, pan gafodd ei daro gan gar ger Capel y Bedyddwyr, Caer Salem, ar 23 Rhagfyr 2024.

Fe glywodd cwest y bu farw Mr Jones yn y fan a'r lle.

Cafodd Daniel Wyke, 28 oed o Lanybri, Caerfyrddin, ei arestio'r diwrnod canlynol ond ni chafodd ei gyhuddo nes bron i flwyddyn yn ddiweddarach.

Cafodd Mr Wyke ei gyhuddo o achosi marwolaeth drwy yrru'n beryglus mewn perthynas â marwolaeth Mr Jones ar 23 Rhagfyr 2024 ac un cyhuddiad o yrru'n beryglus ar Heol Dŵr, Caerfyrddin yr un diwrnod.

Fe wnaeth Mr Wyke ymddangos yn Llys Ynadon Llanelli ddydd Iau i gadarnhau ei enw a'i gyfeiriad.

Cafodd y dyn 28 oed ei ryddhau ar fechnïaeth amodol ac mae disgwyl iddo ymddangos yn Llys y Goron Abertawe ar 16 Chwefror.

Roedd yr amodau yn cynnwys:

Dilynwch Cymru Fyw ar Facebook, dolen allanol, X, dolen allanol, Instagram, dolen allanol neu TikTok, dolen allanol.

Anfonwch unrhyw syniadau am straeon i [email protected], dolen allanol neu cysylltwch drwy WhatsApp ar 07709850033.

Lawrlwythwch yr ap am y diweddaraf o Gymru ar eich dyfais symudol.