Bywyd ar yr Ynys Las ac ar lan y Rio Negro

Yn y rhaglen hon, teithiwn i ddau leoliad gwahanol ar draws y byd. I ddechrau, mae'n ddiwedd haf yn Siorapaluk ar yr Ynys Las - y man fwyaf gogleddol sy'n gartref i bobl gynhenid, a lle mae rhew'r môr wedi toddi yn llwyr.

Yma, rydyn ni'n cwrdd â Hanna sy'n bedair mlwydd oed wrth iddi ddangos ei thŷ haf inni.

Yna, teithiwn i lannau'r Rio Negro lle mae'r afon wedi gorlifo a chwrdd â Carlos Edwardo, sy'n bedair mlwydd oed. (Rydyn ni eisoes wedi cwrdd ag o - gweler rhaglen 2). Mae nawr yn ganol Mehefin ac mae bywyd Carlos Eduardo yn dra gwahanol oherwydd y newid tymhorol ar hyd yr Amazon.

Mae hyd at dair medr o law wedi syrthio ym masin yr Amazon ac mae'r llifogydd wedi troi'r ardal yn fforest ddŵr fawr. Mae'r dŵr nawr yn dod at erchwyn y drws. Mae dosbarthiadau'r ysgol wedi symud o adeilad ar bolion gan fod yr ysgol, yr unig adeilad sydd wedi ei godi ar dir sych, o dan ddŵr.

Rhaid cael canŵ i fynd i'r ysgol, neu i unrhyw le arall. Mae ceryntau'r Rio Negro yn llifo'n gyflym o dan y tai a gallai rhywun gael ei ysgubo i ffwrdd os yw'n syrthio i mewn - ac eto, gwelwn Carlos Eduardo yn cael ei gludo i'r ysgol mewn canŵ gan ei chwaer heb siaced achub.

Mae'n ffordd o fyw rhyfeddol ac yn rhan o gylch blynyddol yr Amazon - ac ymhen hir a hwyr bydd y tir yn sychu eto a'r cylch yn ailddechrau.

Ewch i'r adran Gwylio i weld rhaglenni'r gyfres yn ystod y cyfnod darlledu, neu i weld clipiau o'r rhaglenni wedi hynny.