Byw yn Ethiopia a Gogledd Canada

Yn ystod y rhaglen hon rydyn ni'n teithio i ddwy ardal wahanol iawn o'r byd. Yn gyntaf i fynyddoedd uchel Simien yn Ethiopia lle mae pobl yn byw yn uwch nag unrhyw le yn Ewrop na Gogledd America.

Yn y mynyddoedd hyn cawn gip ar fywyd rhyfeddol merch fach chwe mlwydd oed o'r enw Maza a'i theulu a gweld eu cartref, sydd wedi ei wneud o fwd a gwellt.

Yna, awn i Ogledd Canada lle mae'n rhewllyd o oer i gwrdd â merch fach arall chwe mlwydd oed o'r enw Kirima. Mae wedi ei lapio'n gynnes wrth iddi helpu ei theulu i adeiladu iglw. Mae'r rhaglen hon yn adlewyrchu bywydau gwahanol iawn dwy ferch fach chwe mlwydd oed.

Ewch i'r adran Gwylio i weld rhaglenni'r gyfres yn ystod y cyfnod darlledu, neu i weld clipiau o'r rhaglenni wedi hynny.