Casglu dŵr ar dir Samburu

Yn y rhaglen hon teithiwn i dir Samburu, ardal boeth iawn o Kenya yn Affrica. Dyma gartref pobl y Samburu sy'n addurno eu hunain gyda lliwiau hardd iawn. Ond, oherwydd yr hinsawdd a'r amgylchedd, ychydig iawn o ddillad maen nhw'n ei wisgo.

Yn sychdwr y Samburu, lle mae afonydd yn diflannu, mae pobl, anifeiliaid a bywyd gwyllt yn rhannu'r un ffynhonnell o ddŵr tanddaearol yn gytûn.

Mae'r Samburu yn tyllu ffynhonnau a'r isaf mae lefel y dŵr yn syrthio y dyfnaf maen rhaid iddyn nhw dyllu. Mae pobl y Samburu yn rhoi dŵr mewn cafnau pren i'r anifeiliaid ei yfed - eu camelod, eu geifr ac unrhyw anifeiliaid eraill sydd angen dŵr.

Dyma lle down ni ar draws bachgen bach pum mlwydd oed o'r enw Nintujigwa a'i dad. Mae'n ddiwrnod nodweddiadol ym mywyd Nintujigwa ac fe'i gwelwn gyda'i deulu yn defnyddio'r dŵr prin i yfed, ymolchi a diwallu syched rhai o'r anifeiliaid.

Ewch i'r adran Gwylio i weld rhaglenni'r gyfres yn ystod y cyfnod darlledu, neu i weld clipiau o'r rhaglenni wedi hynny.