Byw ar gefnfor Malaysia

Yn y rhaglen hon, teithiwn i fôr Sulu yn y Cefnfor Tawel yn ne ddwyrain Asia i weld sut mae teuluoedd sipswn môr y Bajau Laut yn byw yn gyfan gwbl ar gychod ar y dŵr.

Mae'r plant yn cael eu geni ar y cychod ac yn cael eu magu gyda'r môr yn gartref ac yn faes chwarae iddyn nhw. Mae plant sipsiwn y môr yn addasu i'r bywyd morwrol mewn ffyrdd rhyfeddol.

Rydyn ni'n gweld sut mae llawer o deuluoedd yn byw gyda'i gilydd ar y cychod wrth iddyn nhw goginio a golchi dillad ac yn symud gyda'i gilydd i chwilio am y llefydd gorau i bysgota am fwyd.

Wedi treulio eu bywydau i gyd ar y cychod mae pobl y Bajau Laut yn aml yn teimlo yn 'sâl tir' ar yr ychydig droeon maen nhw'n ymweld â'r tir mawr i nôl dŵr glan, neu i fasnachu am nwyddau.

Rydyn ni hefyd yn dysgu sut maent yn rhoi masgiau traddodiadol wedi eu gwneud o wymon ar eu hwynebau i'w hamddiffyn rhag yr haul. Ac yn olaf, gwelwn sut mae bechgyn ifanc yn plymio'n hyderus i'r dyfroedd dwfn - ffordd o fyw i blant y Bajau Laut.

Ewch i'r adran Gwylio i weld rhaglenni'r gyfres yn ystod y cyfnod darlledu, neu i weld clipiau o'r rhaglenni wedi hynny.