Helpu ym Mali

Yn y rhaglen hon rydyn ni'n teithio i ddinas brysur Djenne ym Mali, y ddinas hynaf y gwyddom amdani yn is Sahara Affrica.

Gan nad oes cerrig na choed wrth law ar gyrion y Sahara, mae'r ddinas wedi ei hadeiladu o'r hyn sydd gan yr amgylchedd i'w gynnig, sef mwd a gwellt.

Yma, cawn gwrdd â bachgen bach prysur sy'n bedair mlwydd oed o'r enw Mama Kayentan a'i dad. Mae'r ddau yn cerdded gyda'u basgedi gwag i wely'r afon i gasglu mwd. Ar ôl casglu'r mwd maent yn cerdded adref gyda'r basgedi llawn mwd ar eu pennau. Mae'n anhygoel gweld eu dyfeisgarwch wrth iddyn nhw gymysgu'r mwd gyda'r gwellt er mwyn ei gryfhau a thrwsio wal eu cartref.

Ewch i'r adran Gwylio i weld rhaglenni'r gyfres yn ystod y cyfnod darlledu, neu i weld clipiau o'r rhaglenni wedi hynny.