Cynllunio a threfnuYmchwil cynradd

Mae ymchwil cynradd yn golygu gwybodaeth sy’n cael ei chasglu gan yr ymchwilydd. Mae’r data sy’n cael eu casglu mewn ymchwil cynradd yn cael eu casglu am y tro cyntaf ac maent yn benodol i amcan neu bwrpas yr ymchwilydd.

Manteision ymchwil cynradd

• Mae’r wybodaeth yn gyfredol.
• Mae’r data yn unigryw – ni fydd neb arall yn gallu cael mynediad atynt.
• Mae’n bosibl cael ymchwil cynradd yn gyflym, drwy ddefnyddio dulliau penodol, ee polau piniwn.

Anfanteision ymchwil cynradd

• Gall ymchwil cynradd fod yn anodd i’w gasglu, neu gall gymryd llawer o amser i’w gasglu, gan ddibynnu ar y dull sy’n cael ei ddewis.
• Gall casglu ymchwil cynradd fod yn gostus.
• Gall roi canlyniadau camarweiniol neu anghywir, ee os nad yw’r sampl yn ddigon mawr, os nad yw’r ymchwil yn gynrychioliadol, neu os nad yw’r holiaduron wedi eu geirio’n ddigon clir.

Dulliau ymchwil cynradd

Wrth wneud ymchwil cynradd, mae’n bwysig iawn dewis y dull priodol.

Mae angen ystyried y cwestiwn ymchwil, y gyllideb, amser a’r math o wybodaeth sydd ei hangen yn ofalus. Yna mae’n bosibl dewis y dulliau priodol.

Mae llawer o wahanol ddulliau gall ymchwilydd eu defnyddio i gasglu gwybodaeth gynradd. Mae’r rhain yn cynnwys:

• arsylwi
• holiaduron
• cyfweliadau
• grwpiau ffocws