Casglu gwybodaeth
Gall gwybodaeth fod yn ansoddolMae ymchwil ansoddol yn ceisio ateb cwestiynau ynglŷn â pham a sut y mae pobl yn ymddwyn mewn ffordd benodol. Mae’n darparu gwybodaeth fanwl am ymddygiad dyn. neu’n meintiol Mae ymchwil meintiol yn egluro ffenomena drwy gasglu data rhifiadol. Mae’r data hyn yn cael eu dadansoddi wedyn gan ddefnyddio dulliau mathemategol.. Bydd y math o wybodaeth – ansoddol neu feintiol – yn effeithio ar y dulliau sy’n cael eu dewis i gasglu gwybodaeth.
Ymchwil ansoddol
Mae ymchwil ansoddol yn ymwneud ag ateb cwestiynau ynglŷn â pham a sut mae pobl yn ymddwyn mewn ffordd benodol. Mae’n rhoi gwybodaeth fanwl am ymddygiad dynol.
Mae hefyd yn ymwneud â phriodoleddau, hynny yw unrhyw beth rwyt ti’n gallu ei deimlo neu ei ddisgrifio.
Bydd ymchwil ansoddol:
- yn seiliedig ar sampl bach o cyfranogwr Person sy’n cymryd rhan mewn ymchwil.
- yn archwilio neu’n ymchwilio i fater, neu’n datblygu dealltwriaeth gychwynnol er mwyn gwneud rhagor o benderfyniadau
- yn defnyddio dulliau megis cyfweliadau, a all fod yn cyfweliad strwythuredig Mae’r cwestiynau yn cael eu paratoi ymlaen llaw ac maen nhw’n cael eu gofyn i’r cyfwelydd yn yr un drefn., cyfweliad lled-strwythuredig Mae cwestiynau yn cael eu paratoi ymlaen llaw, ond nid oes angen i’r cyfwelydd gadw atynt. neu cyfweliad anstrwythuredig Nid oes gan y cyfwelydd fformat penodol ond efallai y bydd wedi meddwl am rai cwestiynau allweddol ymlaen llaw.
