Celloedd a symudiad ar draws cellbilenniGwahaniaethu

Mae organebau amlgellog yn dechrau bywyd fel un gell wy wedi’i ffrwythloni, o’r enw sygot. Mae gan y sygot gnewyllyn sy’n cynnwys set gyfan o enynnau. Pan mae’r sygot yn rhannu drwy gyfrwng mitosis, mae’r set gyfan o enynnau’n cael eu copïo ac mae’r broses hon yn parhau nes bod pelen o gelloedd o’r enw embryo yn ffurfio. Ar yr adeg hon, mae’r celloedd yn dechrau newid ac addasu ar gyfer swyddogaethau penodol. Gwahaniaethu yw’r broses hon a genynnau sy’n rheoli’r broses.

Dyma rai celloedd arbenigol.

Mae nerfgell yn hir ac wedi’i hynysu â haen frasterog i gludo ysgogiadau trydanol o gwmpas y corff

Mae gan gell sberm gynffon fel ei bod hi’n gallu nofio at yr wy

Mae cell balis yn llawn cloroplastau ar gyfer ffotosynthesis

Mae cell sylem yn diwb gwrth-ddŵr hir, tenau tebyg i welltyn, sy’n cludo dŵr o wreiddiau planhigyn i’r dail

Mae gan gelloedd coch y gwaed siâp deugeugrwm, does ganddynt ddim cnewyllyn ac maent yn cynnwys haemoglobin i gludo ocsigen o gwmpas y corff

Celloedd, meinweoedd ac organau