Mae'n bosib defnyddio gwaith byrfyfyr ar y pryd ac wedi ei ymarfer i greu cynnwys newydd. Galli di ymchwilio i themâu mewn drama ac arbrofi gydag arddulliau wrth greu sgriptiau a chymeriadau newydd.
Rho gynnig ar fyrfyfyrio mewn arddull osodedig neu genreSteil neu gategori o gerddoriaeth, celf neu lenyddiaeth. sy’n wahanol iawn i dy sgript wreiddiol neu’r darn dyfeisiedig. Gall hyn ryddhau’r gwaith a chynhyrchu syniadau newydd ar gyfer perfformio. Dyma rai enghreifftiau o’r genres y gallet ti eu hystyried:
arswyd gothig
opera sebon, ee yn arddull Pobol y Cwm
opera fawreddog
Saunders Lewis (clasurol gyda Chymraeg llenyddol)
dawns gyfoes / ddeongliadol
teledu plant
pantomeim (gyda chyfranogiad y gynulleidfa)
Neu gallet ti roi cynnig ar berfformio yn ôl arddull ymarferwrRhywun sy'n arfer neu sydd wedi ysgrifennu am elfennau theatrig ac sydd â ffurf theatrig ddiffiniadwy yn perthyn i'w theatr. theatr sefydledig, megis Bertolt Brecht neu Konstantin Stanislavski.
Gwylia’r clip Saesneg hwn o’r National Theatre sy’n dangos cymeriad Ophelia o ddrama Hamlet yn cael ei phortreadu yn ôl arddull ‘Stanislavskaidd’
