Cyllid personolCyllidebu

Mae cyllidebu’n ffordd o gynllunio dy arian er mwyn gwneud yn siŵr bod gen ti ddigon o arian i brynu’r eitemau rwyt ti eu heisiau. Efallai dy fod yn cynllunio parti pen-blwydd neu’n mynd i ŵyl.

Mae’n gallu bod yn syniad da i ysgrifennu rhestr o bopeth rwyt ti eu hangen neu eu heisiau a faint mae’r eitemau yn ei gostio. Yna gallet weld a oes gen ti ddigon o arian i brynu’r holl eitemau hynny.

Mae bob amser yn ddefnyddiol i orbrisio cost eitemau neu hyd yn oed ychwanegu arian wrth gefn yn dy gyllideb, rhag ofn i ti orwario.

Enghraifft

Mae mam Lexi wedi prynu tocynnau iddi fynd i ŵyl newydd yn Reading. Mae Lexi wedi bod yn cynilo arian am rai wythnosau ac mae’n bwriadu mynd i’r ŵyl am ddwy noson gyda’i ffrindiau. Mae wedi cynilo £300. Mae wedi ysgrifennu’r gyllideb ganlynol.

Mae Lexi wedi rhannu ei heitemau’n ddwy golofn.

Mae’n gobeithio bod ganddi ddigon o arian i brynu’r holl eitemau angenrheidiol a dwy eitem ychwanegol ar ben hynny. Mae ei ffrind Luc yn dweud na fydd hi’n gallu prynu dim o’i heitemau ychwanegol. Pwy sy’n gywir – Lexi neu Luc?

Rhestr yr eitemau angenrheidiol = 25 + 65 + 50 + 150 + 36 = £326. Felly, cyfanswm cost yr eitemau angenrheidiol yw £326 felly nid yw wedi cyllidebu digon ar gyfer ei heitemau angenrheidiol, heb sôn am y rhai ychwanegol. Mae hi £26 yn fyr. Mae’n ymddangos mai Luc oedd yn gywir!