Cyllid personolTâl a chyflog

Tâl

Os wyt ti’n cael dy dalu’n wythnosol, neu os yw dy arian yn cael ei gyfrifo ar sail nifer yr oriau rwyt ti’n weithio, rydyn ni’n dweud dy fod yn derbyn tâl. Mae’r rhan fwyaf o bobl sy’n cael tâl yn cael eu talu ar gyfradd sefydlog am yr oriau maen nhw’n cael eu cyflogi. Os ydyn nhw’n gweithio mwy, efallai y bydden nhw’n cael eu talu ar gyfradd uwch. Mae hwn yn cael ei alw’n oramser.

Enghraifft

Cwestiynau

Faint fydd rheolwr yn cael ei dalu os yw ar gytundeb i weithio wythnos 40 awr ond mae’n gweithio 48 awr yn lle hynny (heb gynnwys dydd Sul)?

Ateb

40 awr ar y gyfradd arferol: 40 × £13.50 = £540.

Tâl goramser fesul awr = 1.5 × £13.50 = £20.25.

Wyth awr ar y gyfradd goramser: 8 × £20.25 = £162.

Cyfanswm y tâl = £540 + £162 = £702.

Cyflogau

Mae cyflogau’n ffordd arall o dderbyn yr arian rwyt ti’n ei ennill, fel arfer ar gyfer pobl broffesiynol megis athrawon. Mae’r arian yn cael ei dalu’n fisol ac nid yw’n newid. Mae’r swm rwyt ti’n cael dy dalu’n swm sefydlog bob blwyddyn, dim ots faint o oriau rwyt ti’n weithio.

Enghraifft

Dyma dabl o gyflogau athrawon. Am y pum mlynedd nesaf, mae’r llywodraeth wedi rhewi codiadau cyflog i 1%. Llenwa’r bylchau yn y tabl i ddangos y cyflogau sydd ar goll yn y flwyddyn gyntaf a’r ail.

Cyflog M1 yn yr ail flwyddyn

Mae angen i’r cyflog gynyddu 1%, i ganfod 1% rhaid i ti rannu â 100.

Cyfrifa 1% o’r cyflog blaenorol:

£22,243.23 ÷ 100 = 222.4323

Yna adia hwn at y cyflog blaenorol:

£22,243.23 + 222.4323 = £22,465.66 (i'r geiniog agosaf).

Cyflog M4 yn y flwyddyn gyntaf

Cyfrifa 1% o’r cyflog blaenorol:

£27,650 ÷ 100 = 276.50

Yna adia hwn at y cyflog blaenorol:

£27,650 + 276.5 = £27,926.50