 | | | | | | Botuar: E mërkurë, 16 korrik 2003 - 17:13 CET | | | | HIV më rezistent ndaj ilaçeve | | | Kërkuesit shkencorë kanë paralajmëruar se virusi HIV po bëhet gjithnjë e më rezistent nga mjekimeve.
Qelizë e infektuar me virusin HIV |
Një studim ku u përfshinë 1600 pacientë nga e gjithë Evropa arriti në përfundimin e se 1 në 10 pacientë që nuk kishte marrë asnjëherë
medikamente antiretrovirale ishte rezistent ndaj të paktën njërit prej tyre.
Shkencëtarët pralajmëruan se nëse kjo rezistencë vazhdonte në këtë shkallë, do të zvogëlonte numrin e medikamenteve që doktorët përdorin për të luftuar virusin.
Kërkohen fonde
Konferenca për SIDA-n, e cila përfundoi të mërkurën në Paris, u bë qendër e debateve rreth fondeve për të luftuar sëmundjen në vendet në zhvillim.
Fondi Global për të luftuar SIDA-n, që mbledh donatorë, shtete dhe organizata, po diskuton se si të vazhdojë prurjen e fondeve të nevojshme për programet për të luftuar sëmundjen.
Mangësia e fondeve ka ndodhur, sepse shumë para të premtuara nuk janë dhënë, ndërkohë që nuk ka pasur akordime të fondeve të tjera.
Sekretari Amerikan i shëndetësisë Tomi Tomson, thotë se ka mangësi në fonde prej rreth 400 milion dollarësh.
Megjthatë ai shtoi se ekziston besimi se qeveritë që u përfshinë një herë do të dëgjojnë këto shqetësime do të aprovojnë fonde. | |
| | |
