 | | | | | | Botuar: E martë, 15 korrik 2003 - 09:40 CET | | | | Më pak kondomë - më shumë sëmundje | 
Përdorimi i kondomit mbron prej sëmundjeve të seksit | | Organizatat ndërkombëtare të përfshira në luftën globale kundër përhapjes së HIV-SIDA-s, thonë se mungesa e kondomëve mund të pengojë përpjekjet e tyre.
Ato vlerësojnë se kërkesa aktuale vjetore për tetë miliarda kondomë do të dyfishohet deri në fund të dhjetëvjetëshit, por vendet dhuruese dhe organizatat kanë filluar të zvogëlojnë financimet.
Vlerësimi u bë gjatë një konference në Paris, ku organizatat po diskutojnë politikat e të ardhmes.
Ato thonë se dhurimet dhe shpërndarja falas e kondomëve është zgjidhja e vetme në vendet në zhvillim, ku kondomët nuk shihen si prodhime komerciale.
Delegatët gjithashtu kanë bërë thirrje për koordinim më të mirë me prodhuesit për të siguruar se furnizimet janë të gatshme kur dhe ku janë të nevojshme. | |
| | |
