Tortured to death: Ilẹeṣẹ́ ìròyìn BBC tú àsírí bí àwọn ọmọ ogun Myanmar ṣe pa àwọn aráàlú
Iwadii ileeṣẹ iroyin BBC kan ti fi han pe ileeṣẹ ọmọ ogun orilẹ-ede Myanmar ti ṣekupa eeyan ti ko din ni ogoji lọna aitọ.
Awọn oṣojumikoro kan ṣalaye fun BBC pe awọn ọmọ ogun naa, ti ọjọ ori awọn mii lara wọn ko ju ọdun mẹtadinlogun lọ, ya bo abule awọn, wọn ya awọn okunrin sọtọ, wọn si ṣina ibọn fun awọn okunrin naa.
Oniruru fidio ati aworan lati orilẹ-ede naa fi han pe wọn kọkọ fi iya jẹ awọn eeyan naa lọna aitọ ki wọn to pa wọn.
- Iléèṣẹ́ ológun fi sọ́jà obìnrin sí àtìmọ́lé nítorí pé kọ́pà fún un ní òrùka ilérí ìgbeyàwó ní Kwara
- Ilé ẹjọ́ kòtẹ́milọ́rùn dá olùkọ́ èwe ṣọ́ọ̀ṣì Sotitobire sílẹ̀
- Èmi ò ṣetán láti gbẹ̀mí ara mi o, ohun tó ṣẹ̀lẹ̀ ni pé...- Ibrahim Chatta
- Ìjọba fòfin de lílò tàbí títà èédú bí gáàsì ìdáná ṣe gbówó lórí
- Bọ́ọ̀sì tàkìtì lójú ọ̀nà Eko sí Ibadan, èèyàn mẹ́rin kú, 14 farapa
- Tọkọ-taya dèrò àtìmọ́lé lẹ́yìn tí wọ́n ta ọmọ wọn tí ọjọ́ orí rẹ̀ kò ju oṣù kan lọ ní ₦50,000
- Wo ààrẹ orílẹ̀-èdè tó ṣiṣẹ́ awakọ̀ "taxi" kó tó di ààrẹ
- Àwọn agbébọn ti yìnbọn pa èèyàn 38 ní Kaduna
- Àwọn olùjọ́sìn lu ọkùnrin kan pà nítorí pé ó wọ 'ibi mímọ́' jùlọ nínú ilé ìjọsin
Iṣẹlẹ naa waye ninu oṣu Keje ọdun yii nigba mẹrin ọtọtọ niluu Kani, to wa lagbegbe Sagaing.
Igbagbọ wa pe awọn ọmọ ogun ọhun ṣe ikọlu naa lati gbẹsan bi awọn ẹgbẹ alatako ṣe maa n kọju ija si wọn lọna ati da ijọba alagbada pada silẹ ọhun.
Ṣaaju ni awọn ọmọ ogun naa ti kọkọ ditẹ-gbajọba lẹyin ti wọn le Aarẹ Aung San Suu Kyi kuro lori oye, ṣugbọn gbogbo igba ni awọn araalu n tako wọn.
Ileeṣẹ iroyin BBC ba oṣojumikoro mọkanla sọrọ ni Kani, a si ṣe afiwe ọrọ ti wọn sọ papọ mọ awọn fidio ti o tẹ wa lọwọ, to fi mọ awọn aworan kan naa.
Ibi ti wọn ti pa eeyan to pọ ju ni abule Yin nibi ti wọn ti lu okunrin mẹrinla titi ti ẹmi fi bọ lẹnu wọn, ti wọn si ju oku awọn eeyan naa sinu igbo.
Oṣomikoro kan labule Yin yii sọ fun BBC pe awọn ologun fi okun so ọwọ awọn eeyan mọ ẹyin wọn, ti wọn si lu wọn nilu bara ki wọn ṣeku pa wọn.
Ẹnikan ti ori ko yọ ninu ifẹmiṣofo ọhun sọ pe wọn sọ awọn mii lara wọn lokuta pa.
Niluu Zee Bin Dwin, awọn eeyan ri oku mejila ninu iboji kan ni ipari oṣu Keje, lara awọn eeyan naa ni abarapa kan ati ọmọ kekere wa.
Wọn tun ṣawari oku okunrin kan ti wọn so mọ igi, ileeṣẹ iroyin BBC si fidi rẹ mulẹ lẹyin ayẹwo fidio oku okunrin naa pe wọn ti kọkọ lu nilu bara ki wọn gbẹmi rẹ.
Ẹwẹ, awọn mọlẹbi awọn eeyan ti wọn paa naa ti sọ pe awọn eeyan awọn ko si lara awọn to n kọju ija si awọn ọmọ ogun.
Obinrin kan ti wọn pa ẹgbọn rẹ labule Yin sọ pe oun bẹ awọn ọmọ ogun ọhun ki wọn da aburo oun si nitori ko le pa era lasan anbelete lati pa ọmọ ogun, ṣugbọn wọn kọti ikun si oun.
Lọwọ yii, ajọ iṣọkan agbaye, UN, ti n ṣe iwadii iwa ifiyajẹni lọna aitọ ti awọn ọmọ ogun orilẹ-ede Myanmar wu.
