Man City vs Chelsea: Chelsea fi ogun ẹ̀yìn ja Manchester City ṣáájú ìfẹsẹ̀wọnsẹ̀ àṣekágbá Champions League
Oríṣun àwòrán, Getty Images
Lọjọ Abamẹta ni ẹgbẹ agbabọọlu Manchester City ko ba gba ife ẹyẹ idije Premier League ti saa bọọlu yii to ba jẹ pe wọn lu Chelsea ni papa iṣere Etihad.
Ṣugbọn Man City ni lati duro di ọjọ mii ki wọn to le gba ami ẹyẹ naa nitori Chelsea ti ẹyin gbe ru wọn.
Raheem Sterling lo kọkọ gba goolu sawọn Chelsea ni abala akọkọ ifẹsẹwọnsẹ naa.
- Chinese tú Rọ́kẹ́ẹ̀tì ńlá sílẹ̀ tí yóò tó balẹ̀ s'áyé - Eko, New York àtàwọn ìlú míì ló leè jábọ́ sí
- Ǹkan dé o! Àwọn jàndùkú tún yìnbọn pa ọlọ́pàá méje lẹ́nu iṣẹ́, wọ́n dáná sun ọkọ̀ wọn
- Sẹ́nẹ́tọ̀ oníjó Ademola Adeleke kẹ́kọ̀ọ́ gboyè ní fásítì l'Amerika
- Àwọn ẹni ibi kan ń wá gbogbo ọ̀nà láti tú orílẹ̀èdè Nàíjíríà ká - Ààrẹ́ Buhari
- Ohun tí ìyàwó Adeboye ṣe ní ìgbà akọkọ tó fojú hàn lẹ́yìn ikú ọmọ wọn Dare
- Ẹbí Adeboye kéde bí ìlànà ikú Pásítọ Dare yoo ṣe lọ
- Akeredolu, jọ̀ọ́ gba iṣẹ́ lọ́wọ́ amúgbálẹ́gbẹ̀ẹ́ rẹ tó lu aláboyún - Ẹgbẹ́ òṣìṣẹ́ yarí
Lẹyin naa ni Manchester City tun ri pẹnariti eyi ti wọn gbe fun Sergio Aguero wi pe ko gba.
Ṣugbọn akọ ni Aguero fi gba pẹnariti ọhun eyi ti golu Chelsea mu lai laagun rara.
Abala keji ere bọọlu naa ni Chelsea ni sọji mọ Man City lọwọ.
Hakim Ziyech lo kọkọ da goolu ti Sterling gba wọle pada, ki Marcos Alonso to fi ọba le.
Ni bayii, Man City ṣi le gba ife ẹyẹ EPL lọjọ Aiku ti Aston Villa ba lu Manchester United ni Villa Park.
Lọjọ kọkandinlọgbọn oṣu karun un lawọn mejeeji yoo jọ pade ninu ifẹsẹwọnsẹ aṣekagba idije Champions League.
