Muhammadu Buhari: Àwọn ẹni ibi kan ń wá gbogbo ọ̀nà láti tú orílẹ̀èdè Nàíjíríà ká - Ààrẹ́ Buhari

Aarẹ orilẹede Naijiria, Muhammadu Buhari ti ke gbajare pe awọn kan n gbe igbese lati ba gbogbo igbiyanju ijọba jẹ lori eto aabo to dẹnukọlẹ.

Buhari lo sọ bẹẹ lasiko ipade rẹ pẹlu ajọ oludamọran pẹlu aarẹ Buhari lori ọro aje.

Ajọ naa sọ fun aarẹ Buhari pe eto aabo to dẹnukọlẹ gan an lo ṣokunfa eto ọrọ aje ti ko gbe pẹẹli soke ni Naijiria.

Ninu ọrọ rẹ, aarẹ Buhari ni awọn eniyan kan ko fẹ ilọsiwaju orilẹede Naijiria rara.

''A ti ibode ki wọn yee gbe ayederu bẹntirol wọ Naijiria ati bi wọn ṣe n gbe ounjẹ, ohun ija wọle si Naijiria lọna aitọ,''

''Wọn ṣi n gbe awọn ohun ija wọle si Naijiria, wọn tun gbe irẹsi wọle si Naijiria pẹlu ọkọ ati ọkada,''

''Mo tun paṣẹ ki wọn pa ẹnikẹni to ba gbe ibọn AK-47 ni ọna aitọ, sibẹ wọn ko gbọ.''

Gba abẹ́rẹ́ Covid-19 kí o fi ọtí, "Doughnut", ẹ̀bùn owó ọ̀fẹ́ ṣararindin

Yomi Fabiyi tún yarí lórí ọ̀rọ̀ Baba Ijẹsha, ó kéde àwọn ìdí tó fí fẹ́ ṣe ìwọ́de ní Eko

Kini awọn ohun miran to tun jẹyọ nibi ipade naa

Ajọ to n gba aarẹ nimọran lori ọrọ aje naa tun parọwa si aarẹ Buhari lati ṣiṣẹ lori pipese ohun elo eto ọgbin kaakiri orilẹ̀ede Naijiria.

Aarẹ Buhari ni awọn yoo tiraka mọ eto ọgbin lorilẹede naa lati le mu ki orilẹede naa bori ipenija eto ọrọ aje to dẹnukọlẹ.

Bakan naa ni wọn gba aarẹ Buhari nimọran lati wa opin si ipenija eto aabo to n buruju ti tẹlẹ lọ kaakiri orilẹede Naijiria.