Pásítọ̀ Adefarasin fara kalẹ̀ fún ìwádìí lórí ẹ̀sùn pé ó yọ nnkan tó jọ ìbọn sí èèyàn kan
Oríṣun àwòrán, X/PaulAdefarasin
Ileeṣẹ ọlọpaa ipinlẹ Eko ti kede sita pe Pasitọ agba fun ijọ House on the Rock Church, Paul Adefarasin ti fa ara kalẹ fun ibeere ati iwadii lori fọnran kan to lu sita lori ayelujara pe o di nnkan to da bi ibọn da ni.
Bẹẹ ba gbagbe, nibi ọsẹ diẹ sẹyin ni fọnran kan lu sita lori ayelujara, eyi to ṣafihan Pasitọ Aadefarasin ninu ọkọ ayọkẹlẹ rẹ, to yọ nnkan to jọ ibọn si ọkunrin kan to n ka fọnran bi o ṣe n wa ọkọ.
Ninu atẹjade kan ti ileeṣẹ ọlọpaa gbe sori oju opo ayelujara wọn, wọn jẹ ko di mimọ pe ko si ẹnikẹni to kọja ofin orilẹede Naijiria.
"Ko si ẹnikẹni to kọja ofin. Pasitọ Paul Adefarasin ti fara rẹ kalẹ fun ileeṣẹ ọlọpaa ipinlẹ Eko, ti a si ti n fi ọrọ wa lẹnu wo.
"A o fi esi iwadii wa sita fun araalu."
This article contains content provided by X. We ask for your permission before anything is loaded, as they may be using cookies and other technologies. You may want to read X cookie policy and privacy policy before accepting. To view this content choose 'accept and continue'.
End of X post, 1
Ki ni Pasitọ Adefarasin sọ lori iṣẹlẹ?
Nigba ti yoo fesi si ẹsun ti wọn fi kan pe o n gbe ibọn kiri, Pasitọ Paul Adefarasin bọ soju opo ayelujara X pe iroyin ofege lasan ni iroyin naa.
"A mọ pe ẹ ti ri fọnran kan to n lọ lori opo ayelujara, eyi to ṣafihan nnkan ti mo gbagbọ pe o jẹ asigbọ pe Mo gbe ohun ija da ni. Mo fẹ fi da yin loju pe ki I ṣe ibọn, ti n ko sin a ibọn si ẹnikẹni,"o sọ.
"A mọ nnkan ti ẹsun yii ti da silẹ. Mo dupẹ fun iṣuru ati oye yin."
This article contains content provided by X. We ask for your permission before anything is loaded, as they may be using cookies and other technologies. You may want to read X cookie policy and privacy policy before accepting. To view this content choose 'accept and continue'.
End of X post, 2
Irufẹ isẹlẹ yii to ti waye
Ni ọdun 2023 ni Ileeṣẹ ọlọpaa ni olu ilu orilẹede Naijiria, Abuja fi panpẹ ofin mu Pasitọ Uche Aigbe ti ijọ House on the Rock, Abuja fun gbigbe ibọn atamatase AK-47.
House on the Rock yii naa ni Ile ijọsin Pasitọ Paul Adefarasin.
Okiki Pasitọ Uche Aigbe kan lẹyin to gbe ibọn AK-47 gun ori pẹpẹ lọjọ Aiku lasiko to fẹ ṣe iwaasu ni saa isin keji.
Ileeṣẹ ọlọpaa ni Insipẹkitọ Musa Audu lo gbe ibọn rẹ fun pasitọ lọjọ ti a n wi yii eleyi ti wọn ni o lodi si ofin iṣẹ ọlọpaa.
Wahala bẹrẹ fun pasitọ naa nigba ti awọn eeyan kan lori ayelujara fi fọto rẹ ati iroyin nipa ọrọ naa to alukoro agba fun ileeṣẹ ọlọpaa Naijiria, CSP Muyiwa Adejọbi leti lori Twitter. Lẹyin to gbe ọr naa yẹwo lo ni oun ti fi to kọmiṣọna ọlọpaa lolu ilu Naijiria leti fun igbesẹ to yẹ.
