Ọmọ mẹ́rin bómilọ níbùdó ìgbafẹ́ etí òkun kan l'Eko
Oríṣun àwòrán, Getty Images
Awọn ọmọde mẹrin kan ti di awati lẹyin ti wọn lọ luwẹ ni etikun Ẹlẹgushi nilu Eko.
Iroyin to jade sita ni pe awọn akẹkọọ mẹwaa lo lọ luwẹ ni etikun naa ki omi okun to gbe mẹrin ninu wọn lọ ti awọn omuwẹ si doola awọn kan lara wọn.
Alukoro ileeṣẹ ọlọpaa nipinlẹ Eko, Bẹnjamin Hundeyin fidi iroyin yii mulẹ pẹlu afikun pe iwadii ti n lọ lori iṣẹlẹ naa.
Atẹjade ti awọn alaṣẹ ileeṣẹ igbafẹ etikun Elegushi Beach fi sita sọ pe awọn akẹkọọ naa wa si etikun naa ṣugbọn wọn ko sanwo wọle sibudo igbafẹ etikun naa, leyi to mu ki wọn le wọn pada.
Atẹjade naa ti oloye Ayuba Ẹlẹgushi fọwọsi sọ pe awọn akẹkọọ naa gba ibo miran lọ ni etikun naa ti ko yẹ ko wa fun lilo gbogbo eeyan, nibẹ si ni omi naa ti gbe awọn kan lara wọn lọ.
This article contains content provided by X. We ask for your permission before anything is loaded, as they may be using cookies and other technologies. You may want to read X cookie policy and privacy policy before accepting. To view this content choose 'accept and continue'.
End of X post
“Mẹwaa ni awọn akẹkọọ naa ni iye, ọ̀kunrin ni gbogbo wọn wọn wa si etikun naa lati ṣe ajọyọ aṣeyọri esi idanwo WAEC wọn”
O tun ṣalaye siwaju pe “Mẹwaa ninu wọn ti n bomi lọ nigba ti iroyin naa tẹ awọn ikọ adoola ẹmi ninu omi (Beach life guard) wa lọwọ, ikọnaa sare de ibẹ ṣugbọn mẹfa ninu wọn ni wọn ri doola, meji ninu awọn ti wọn doola naa si fara ṣeṣe.
“Ṣugbọn a ṣi n wa mẹrin ninu wọn lasiko ti a fi n gbe iroyin yii sita.”
Awọn alaṣẹ ibudo igbafẹ etikun naa ni awọn ti fi ọrọ ọhun to awọn ọlọpaa leti
