Ibadan clash: Èèyàn bí méjì kú, ọ̀pọ̀ farapa lásìkò tí àwọn afurasí ọmọ Auxiliary àti Isota kọlu ara wọn ní Ibadan
Oríṣun àwòrán, connect ibadan/facebook
Ko din ni eeyan meji ti iroyin sọ pe o ku, ti ọpọ si farapa lasiko ti awọn afurasi ti wọn lo jẹ ọmọ igbimọ alamojuto awọn gareeji ọkọ, PMS, nipinlẹ Oyo, kọlu awọn janduku.
Irọlẹ ọjọ Iṣẹgun, ọjọ kẹtadinlọgbọn, oṣu Kẹrin, ni iroyin sọ pe iṣẹlẹ naa waye ni opopona Ali-Iwo si Oje, nilu Ibadan.
Awọn ti iṣẹlẹ naa ṣoju wọn sọ pe fun ọpọlọpọ iṣẹju ni awọn ara adugbo naa, ati awọn to n kọja lọ fi n sa asala fun ẹmi wọn nitori iro ibọn to n dun.
"Yatọ si ibọn, oriṣiriṣi nkan oloro ni awọn igun mejeeji fi kọju ija sira wọn."
Bo tilẹ jẹ pe a ko tii le sọ koko nkan to fa ija igboro naa, ileeṣẹ iroyin abẹle, Oyo Insight, sọ pe alaga igbimọ PMS, Mukaila Lamidi Auxiliary lo lọ si ibuba awọn janduku Were.
- Rògbòdìyàn bẹ́ sílẹ̀ ní Iwo Road lọ́jọ́rùú, ẹ̀mí méjì bọ́, ọ̀pọ̀ farapa
- Ìdí rèé tí mo fi yan ikọ̀ PMS rọ́pò NURTW nípìnlẹ̀ Oyo - Seyi Makinde
- Óṣe! Àwọn ọmọdé mẹ́rin pàdánù ẹ̀mí wọn bí wáyà iná ṣe já lé wọn lórí
- Mo ti gbà báyìí pé ohun gbogbo tó n dán kọ́ ni wúrà - Olori Badirat Adeyemi
- Ẹ dáríjìn mí ọmọdé ló ń ṣe mí, mo kábàmọ́ ìwà tí mo wú - Akẹ́kọ̀ọ́ Chrisland Schools
- Lukman gbẹ̀yín ẹbí lọ bẹ́ orí ìkókó ti wọ́n sìn ní Abeokuta, àṣírí tú bó ṣe fẹ́ tàá
- Èsì àyẹ̀wò ohun tó ṣekú pa gbajúmọ̀ akọrin ẹ̀mí, Osinachi Nwachukwu ti jáde
Oríṣun àwòrán, connect ibadan/instagram
Awọn miran sọ pe awọn ọmọ ẹgbẹ janduku, Isota Boys, lo bẹrẹ wahala ni kete ti wọn fi oju ri awọn ọmọ Auxiliary to wọ aṣọ to ni aworan rẹ ati ti Gomina Seyi Makinde lara.
Bakan naa ni awọn janduku naa ba awọn ọkọ jẹ.
Ija naa waye fun ọpọlopọ iṣju, ki awọn ọlpaa to o de lati da alaafia pada si agbegbe naa.
This article contains content provided by Instagram. We ask for your permission before anything is loaded, as they may be using cookies and other technologies. You may want to read Instagram cookie policy and privacy policy before accepting. To view this content choose 'accept and continue'.
End of Instagram post
Igbiyanju wa lati ba agbẹnusọ ileeṣẹ ọlọpaa, Adewale Osifeso, sọrọ lori iṣẹlẹ naa lo ja si pabo, nitori pe ko gbe ipe rẹ lori foonu.
Ohun to yẹ ki o mó nipa igbimọ Park Management Service, PMS
Ọdun 2019 ni Gomina Seyi Makinde gbe igbimọ oluṣakoso naa kalẹ, lati ma ṣamojuto awọn ibudokọ nipinlẹ Oyo, dipo ẹgbẹ NURTW to n mojuto wọn tẹlẹ.
Gomina Makinde sọ pe ọna lati dena wahala ni ẹka igboke-gbodo ọkọ, lo mu ki oun ṣe ayipada ẹgbẹ NURTW.
Fun'ra awọn ọmọ ẹgbẹ naa si lo ma n yan awọn adari wọn amọ Gomina Makinde fi ofin de ẹgbẹ NURTW naa nitori rogbodiyan to n waye ni gbogbo igba nipa yiyan awọn adari rẹ.
- Nínú àwòràn, wo ìgbà ayé Aláafin Oyo, Ọba Lamidi Adeyemi kẹta tó lọ bá àwọn Baba Ńlá rẹ̀
- Ta ni Yorùbá ń pè ní Abọ́bakú?
- Aláàfin àti Ọba ilẹ̀ Yorùbá márùn-ún mìí tó wàjà láàrin oṣù márùn-ùn péré
- Wo àwọn ǹkan tí o kò mọ̀ nípa Ọba Lamidi Adeyẹmi, òṣìṣẹ́ adójútòfò àti Abẹ̀ṣẹ́kùbíòjò tó wàjà
- Ààrẹ Buhari, Ooni Ile Ife, Obasanjo kẹ́dùn Alaafin Oyo tó wàjà
Ijọba Oyo sọ pe PMS ko ni ibaṣepọ pẹlu NURTW. Ijọba lo gba awọn ọmọ ikọ PMS si iṣẹ lati di gbogbo ibi ti owo n gba poora, ki wọn si tun ri i daju pe owo to n wọle fun ijọba pọ si.
Wọn tun gbọdọ ri daju pe owo to tọ si ijọba n de apo rẹ, ojuṣe ikọ PMS si tun ni lati ri pe kosi sunkẹrẹ-fakẹrẹ ọkọ, nipa ṣiṣe amojuto awọn ibudokọ.
Ṣugbọn ṣa, idasilẹ igbimọ PMS ko da ija igboro duro laarin awọn awakọ. O ti to bi igba meji si mta ti awọn ọmọ ẹgbẹ NURTW akọkọ ati awọn alatilẹyin Auxilairy kọju ija si ara wọn.
