Wọ́n ti iléèwòsàn pa nítorí àwọn àlùjànú tó n fi ipá bá àwọn nọ́ọ́sì lòpọ̀
Oríṣun àwòrán, zimlive
Wọn ti gbe ilẹkun ileewosan alabọde kan ti pa ni agbegbe Umzingwane lẹyin ti awọn nọọsi pariwo sita pe awọn ẹmi airi n ba awọn ni ibalopọ.
Awọn ẹmi airi naa ni iroyin tun sọ pe wọn dan nkan wo ni ile ẹkọ alakọbẹrẹ Shale to wa nitosi ileewosan naa.
Eyi si ti mu ki awọn olukọ ma a dunkooko pe awọn yoo fi iṣẹ silẹ ti atunṣe ko ba waye laipẹ.
Oṣu Keji ọdun yii ni wọn ṣi ileewosan Shale ni agbegbe Umzingwane ni orilẹ-ede Zimbabwe, lati pese ilera fun awọn ara abule to n gbe ni agbegbe naa.
Pẹlu bi wọn ti ṣe ti i pa, awọn ara abule n rin irianjo lọ si ilu miran, Esigodini lati gba itọju.
Ara abule naa kan, Themba Moyo, sọ fun iwe iroyin ZimLive pe wọn ti ileewosan ọhun pa lẹyin ti nọọsi obinrin meji ati ọkunrin kan to jẹ oṣiṣẹ ibudo ayẹwo salọ nitori pe awọn kan n fi ipa ba wọn lopọ.
"Ti wọn ba ji ni ouwrọ, niṣe ni oju ara wọn ma n tutu pẹlu apẹẹrẹ pe wọn ni ibalopọ. Oru ni iṣẹlẹ naa n waye.
"Ni bayii, oluranlọwọ nọọsi kan pere ati aṣọgba to n gbe ninu abule nkan lo ku sibẹ."
Awọn araalu sọ pe oṣu Kẹsan-an ni ikọlu naa bẹrẹ.
Oríṣun àwòrán, zimlive
Wọn ni awọn nọọsi naa kọkọ ma n fi ẹsun ọkan han ti wọn ba ti bẹrẹ iṣẹ ni owurọ pe o rẹ awọn nitori pe awọn ko sun oorun gidi ni oru.
Nigba to ya ni wọn tu aṣiri nkan to ti n ṣẹlẹ ni ileewosan ọhun.
Ara abule kan sọ pe "ọkunrin to n ṣiṣẹ ni ibudo ayẹwo ni iriri to ba ni lẹru pupọ lalẹ ọjọ kan. Niṣe ni awọn alujọnu naa n fa nkan ọmọkunrin rẹ.
"Pẹlu inira lo fi n rin ni owurọ ọjọ keji nitori nkan ọmọkunrin ati koropọn rẹ wú. Laipẹ yii ni oyun bajẹ mọ iyawo rẹ lara, igbagbọ wa si ni pe o le jẹ nitori iṣẹlẹ awọn alujọnu ni."
Bakan naa ni iriri awọn olukọ to n gbe ninu ọgba ile ẹkọ alakọbẹrẹ to wa nitosi ileewosan naa.
"Nigba miran, ita gbangba ni awọn olukọ obinrin yoo ti ba ara wọn ni owurọ."
Awọn alaṣẹ ilu naa ti bẹrẹ igbesẹ lati wadii iṣẹlẹ ọhun pẹlu agbara ibilẹ, ti wọn si ni iya yoo jẹ ẹnikẹni ti aṣiri ba tu pe oun lo ni awọn alujanu naa.
Gbajugbaja ni ọrọ nipa awọn ẹmi airi ti wọn n pe ni Tikoloshes, ni orilẹ-ede Zimbabwe.
