Abdulmajeed Abdulsalam: Wọ́n ti bá mi nu Kẹ́míkà tí ẹnikejì táa jọ ń "paint" pákó mi dà sí mi lójú àmọ́...
Kedere ni oju Abdulsalam n riran titi to fi dagba di ọdọ, wọn o bi oju fifọ yii mọ ọ.
Lẹyin oṣu meji ti o ti n lo ogun ti wọn fun un nileewosan, Abdulsalam rii pe oju rẹ su ti ko si mọlẹ daradara mọ.
Abdulmajeed Abdulsalam ṣalaye fun BBC Yoruba pe oun n kọ iṣẹ mọ iwe ti o n ka nigba naa lọhun to si ni awọn maa n lo Kẹmika lati fin awọn pako ti wọn fi n ṣiṣẹ gẹgẹ bii Kafinta.
O jẹ ko di mimọ pe ẹnikeji ti awọn jọ n ṣiṣẹ lo fẹ du ki pako ti wọn n fin lọwọ ma yi ilẹ ko ma dọti, afi to di pe Kẹmika to gbe lọwọ kan dede da sinu oju Abdulsalam ni.
O ni kii ṣe pe o mọọmọ da a si oju oun.
Ki ni igbesẹ ti Abdulmajeed ati mọlẹbi ti gbe?
"Iya mi ti gbe mi lọ si oriṣiriṣi ileewosan kaakiri ti wọn n gbiyanju lati ma jẹ ki oju rẹ fọ.
Wọn tilẹ sọ fun wa pe iṣẹ abẹ ti mo nilo kii ṣe eyi taa le ṣe ni Naijiria nibi".
O ni wọn o tii ṣe iṣẹ abẹ lori oju yii ri ayafi ki a gbe e lọ si India amọ owo naa ni ko si.
"O si wu mi lati fi oju mi yii riran tori wọn sọ fun mi pe o si ṣeeṣe".
Ẹwẹ, awọn dokita ti fi daa loju pe bi awọn ẹbi rẹ ba ri owo ko jọ, wọn yoo gbe e lọ si Indian lati lee ṣe iṣẹ abẹ to nilo.
