Nyesom Wike: Gómìnà Wike dá rúgúdù sílẹ̀ láàárín ọlọ́pàá, Sífú dìfẹǹsì lórí ẹsùn fàyàwọ́ epo rọ̀bì
Oríṣun àwòrán, Nyesom ezenwo wike/twitter
Gomina ipinlẹ Rivers, Wike ti da rugudu silẹ laarin awọn ọlọpaa, atawọn sifu difẹnsi lẹyin to fi ẹsun kan awọn agbofinro kan pe wọn n ṣe fayawọ epo, wọn si n da awọn ibudo ipọnpo ti ko bofinmu silẹ kaakiri.
Gomina Wike, lasiko to n fun awọn alaga kansu nipinlẹ naa laṣẹ lati ko orukọ awọn eeyan to n da ibupo ipọnpo ti ko bofinmu silẹ ni ipinlẹ naa fi ẹsun kan awọn oṣiṣẹ ọlọpaa ati sifu difẹnsi, NSCDC kan to ni wọn ni ibudo ipọnpo nibẹ.
- ''Bode George, jáwọ́ lápọ̀n tí ò yọ̀, ìfẹ́ aráàlú ló mú Tinubu fẹ́ dupò ààrẹ lọ́dún 2023''
- Gani Adams ṣàlàyé bí ìjọba àpapọ̀ ṣe ń dènà ìtúsílẹ̀ Sunday Igboho ní àhámọ́
- Lekan Balogun ni Olubadan kàn, kó sí àríyànjiyàn níbẹ̀ - Ladoja, àwọn afọbajẹ Ibadan sọ̀rọ̀
- Dandan ni kí agbára ìṣèjọba padà sí Gúsù Naijiria ní 2023 - Àwọn olórí ẹ̀yà ní Gusu
Gomina ipinlẹ Rivers tọka si ọga ọlọpaa agbegbe kan nibẹ pẹlu oṣiṣẹ ikọ to n gbogunti biba dukia ilu jẹ nileeṣẹ Sifu difẹnsi kan gẹgẹ bi apẹrẹ awọn agbofinro to n gbẹyin bẹbọ jẹ lori ọrọ fayawọ epo rọbi nipinlẹ naa.
Wike ni: "O ṣeni laanu pe lorilẹede yii, awọn agbofinro lo tun n lọwọ ninu iwa fayawọ epo rọbi. O ṣe mi ni kayeefi o ọga ọlọpaa Kọmiṣọnna.
Mo dupẹ pe ẹ ti gbe ga ọlọpaa ilu Rumuji to ni ile ipọnpo rọbi ti ko bofinmu kuro, ṣugbọn mo fẹ ki ẹ gbe e kuro ni ipinlẹ yii patapata.
Mi o lee jẹ gomina ni ipinlẹ ti agbofinro yoo tun maa lọwọ ninu iwa fayawọ epo rọbi. Ẹ gbe e lọ si ipinlẹ yoowu ti wọn ba ti fi aye gba fayawọ epo rọbi."
Bakan naa lo ni wọn gbọdọ gbe oṣiṣẹ agbofinro sifu difẹnsi naa kuro pẹlu nitori iwa agbẹyinbẹbọjẹ patapata ni wọn n hu yii ti ko si yẹ ko jẹ awọn ti a fi si idi didẹkun iwa fayawọ epo gan an ni yoo maa lọwọ ninu rẹ.
Awọn ẹsun ti Gomina Wike la mọ awọn oṣiṣẹ ọlọpaa ati NSCDC yii ti n da ọpọlọpọ rugudu silẹ laarin agbo ileeṣẹ agbofinro mejeeji yii ti awọn alaṣẹ wọn si ti n gbe igbesẹ lori ọna ati ṣe afọmọ ẹrẹ ti igbesẹ naa taba aṣọ ala ileeṣẹ agbofinro wọn.
Iroyin sọ pe ileeṣẹ ọlọpaa ti gbe ọga ọlọpaa torukọ rẹ jade lori iwa ibajẹ naa kuro lagbegbe naa, wọn si ti gbe igbimọ oluwadi kan kalẹ labọ ga ọlọpaa ACP kan lati tan ina wadii iṣẹlẹ naa.
