Yollywood: Gbajúmọ̀ òṣèré, Ijebu ní Ọgbọ́n lòun fi ń yẹra fún gbọ́yísọ̀yí lágbo àwọn òṣèré
Oríṣun àwòrán, Ijebuu/instagram
Gbajumọ apanilẹrin lagbo sinima ede Yoruba, Tayọ Amokade ti ọpọ eeyan mọ si Ijebu ti ṣalaye fun araye pe ati dide goke ko rọgbọ fun oun nitoripe awọn iṣẹ ti ọpọ ko fi oju rena ni oun ti ṣe ki itanṣan ọla to tan si oun.
Ijẹbu ṣalaye ninu ifọrọwanilẹwo kan pe iṣẹ ẹrọ amunawa, jẹnẹretọ titunṣe loun n ṣe ki oun to di ilumọọka oṣere.
- Kìí ṣe oògùn ni mo fi ń rántí déètì ọjọ́ àti oṣù lórí, ohun tí mo ṣe nígbà èwe rèé - Alaafin Oyo
- Ìdí rèé tàwọn akẹ́kọ̀ọ́ òde òní ń gbéná wojú Ọ̀gá, dá sẹ̀ríà fáwọn olùkọ́ wọn- Ónimọ̀ àyẹwò ọpọlọ
- Ọmọ mi ti kọ́kọ́ bọ́ra sí hòhò l'àdúgbò, àbúrò rẹ̀ ń mójú tóo nílé ló sá lọ lu Lẹ́ksọrà lọ́jọ́ kejì - Baba Captain Walz
- Ta ni Sani Dangote àbúrò àti igbákéjì ààrẹ Iléeṣẹ́ Dangote tó jáde láyé?
Bakan naa lo ṣalaye nipa oniruuru ijakulẹ ti oun dojukọ ki aye to mọ oun.
"Iṣẹ ẹrọ amunawa, jẹnẹretọ titunṣe ni mo kọkọ fi bẹrẹ. Mo jẹ eeyan ti kii fi iṣẹ jafara rara, gbogbo anfani ti mo ba si ri ni mo maa n mu lọkunkundun."
Oríṣun àwòrán, Ijebuu/instagram
Bakan naa lo tun sọrọ lori awọn awuyewuye to maa n waye lagbo awọn oṣere to si ni, oun n gbiyanju ni igba gbogbo lati yẹra fun ẹrẹ awuyewuye to n waye lẹka naa.
O ni bi o ti wulẹ wu ki oṣere sare to lati yẹera fun awọn gbọyisọyi lagbo amuludun, awọn iṣẹlẹ ori ayelujara ti jẹ ko ṣoro pupọ.
