Oyo State Security Governing Board: Makinde se ìfilọ́lẹ̀ ìgbìmọ̀ àlákòóso Amọtẹkun ó pè fún ìfọ̀wọ́sowọ́pọ̀ aráàlú

Gomina ipinlẹ Oyo Seyi Makinde ni ijọba ipinlẹ Oyo yoo ṣiṣọ loju awọn ilana kan lati le koju ipenija aabo to ba ipinlẹ naa.

Lasiko to ṣe ifilọlẹ igbimọ akoso aabo ati igbimọ alakoso ikọ alaabọ Amọtẹkun lo fi ọrọ yi lede.

Lẹnu ọjọ mẹta yi, ipinlẹ Oyo n koju ipenija aabo orisirisi ti o si mu ki awọn eeyan kan maa sọ pe Makinde ko ṣojuṣe rẹ nipa pipese aabo to peye fara ilu.

Gomina Makinde sọ pe pẹlu ifilọlẹ igbimọ wọnyi, araalu yoo ri apẹrẹ wipe ijọba oun n gbe igbesẹ lati mu adinku ba ipenija aabo to koju Oyo.

O ni bẹẹ naa ni ibaṣepọ to mọyan lori yoo waye laarin awọn ikọ ati ileesẹ alaabo eyi ti yoo mu ki aabọ to peye wa lagbegbe naa.

Makinde tun wa parọwa si awọn eekan oṣelu lati yago fun lilo ipenija aabo to n koju Oyo fun ifẹ inu ara wọn.

O wa rọ awọn araalu lati pawọpọ pẹlu awọn ẹṣọ alaabo lati jẹ ki aabo to jọju wa ni ipinlẹ Oyo.

Ajagunfẹyinti Brigadier General Kunle Togun ni yoo maa jẹ alaga igbimọ alakoso ẹlẹnimejila Amọtẹkun ọhun.

Igbimọ yi yoo tun ni awọn aṣoju kọọkan lati ileeṣẹ aabo ijọba apapọ,aṣoju kọọkan lati ẹkun idibo mẹtẹtaa.

Bakan naa ni Onpetu ilu Ijero, Oba Sunday Oyediran yoo jẹ aṣoju awọn lọbalọba ninu igbimọ naa.