Bola Tinubu: Mo gbóṣùbà fáwọn tó ń pín ìrẹsì fún mẹ̀kúnnù pẹ̀lú àwòrán mi
Oríṣun àwòrán, Twitter/Arise Nigeran Youth
Eekan ẹgbẹ oṣelu APC, Asiwaju Bola Tinubu ti sọ pe, oun kọ loun n pin irẹsi fawọn eeyan lapa ariwa orilẹede Naijiria ninu awẹ Ramadan to n lọ lọwọ yii.
Tinubu sọrọ yii ninu atẹjade kan to fisita lati ipasẹ oluranlọwọ rẹ feto iroyin, Tunde Rahman.
Laipẹ yii ni aworan apo irẹsi ti wọn ya Tinubu si lara lu ori ayelujara pa, ti ahesọ ọrọ naa si ni Tinubu lo n pin irẹsi naa lẹkun ariwa naa.
Àwọn iròyin tì ẹ leè ní ìfẹ̀ síí:
- Mi ò m'àwọn ẹgbẹ́ tó ń gbé ''Tinubu 2023'' kiri- Bola Tinubu
- Tinubu kìlọ̀ fún Buhari lórí ohun tó leè ṣàkóbá fún sáà kejì rẹ̀
- Buhari, ààwẹ̀ gbígbà ṣú ọmọ Nàíjíríà, jọ̀ọ́ ṣètò ìdẹ̀rùn - Tinubu lọgun
- ''Ẹ gbà mí o, ọkọ mí ti lé mi nílé torí mo ya ‘tatoo’ Tinubu sára''
- Ooni Ile ife ṣàlàyé ohun tí Tinubu níló fún ilépa ipò ààrẹ lọ́dún 2023
- Ẹ fi ilẹ̀ tí a kò lò hááyà fáwọn darandaran bíi ibùdó ọ̀sìn màálù - Tinubu
- Tinubu: Ọbasanjọ kò lè yan olùdíje fún wa
Tinubu ṣalaye ninu atẹjade naa pe lootọọ ni oun ri aworan apo irẹsi ti wọn ya oju oun si lara lori ayelujara, ṣugbọn oun kọ lo wa nidi rẹ.
Ẹwẹ, Tinubu gboṣuba fawọn ẹlẹyinju aanu to n pin irẹsi lasiko aawẹ yii.
O ni iwa ifẹ ati ififuni tawọn eeyan naa fihan lasiko Ramadan yii dara pupọ.
Ọpọ lo gbagbọ pe Tinubu n fi pinpin irẹsi lapa ariwa Naijiria ṣe ipolongo ṣaaju ibo aarẹ ọdun 2023 ni.
