Road accident: Èèyàn mẹ́jọ jónà ráúráú nínú ìjàmbá ọkọ̀ akérò tó ṣẹlẹ̀ ní mọ́rosẹ̀ Eko sí Ibadan

Eleduwa ko ni jẹ ki a ṣi rin ni adura tawọn arinrin ajo maa n gba lọna irin ajo. Eeyan mẹjọ ọtọtọ lo jona raurau ninu ijamba ọkọ to ṣẹlẹ loju ọna mọrosẹ ilu Eko si Ibadan lopin ọsẹ yii.

Ọkọ bọọsi Mazda pẹlu nọmba AAA 249 VX ni ijamba naa ṣẹlẹ si lẹgbẹ afara Saapade ni bii aago mẹsan ku iṣẹju mẹẹdogun.

Ọga awọn ajọ ẹṣọ oju popo, FRSC ti ipinlẹ Ogun, Ahmed Umar lo fidi ọrọ yii mulẹ fawọn akọroyin.

Ọgbẹni Umar ṣalaye pe eeyan mọkanla lo wa ninu ọkọ naa ninu eyi ti mẹjọ ti dero ọrun ti awọn mẹta si mori bọ.

Lọgan ti ọkọ naa gbina lawọn ẹṣọ oju popo pe awọn oṣiṣẹ panapana, amọ ọwọ ti bọ sori ki wọn to de bẹ.

Ajọ ẹṣọ oju popo sọ pe taya ọkọ akero naa lo fọ lori ere ti ọkọ ọhun si bẹrẹ si ni gbe okiti ki o too gbina.

Ọga ajọ ẹṣọ oju popo ni awọn to mori bọ ninu iṣẹlẹ naa si n gba itọju lọwọ nile iwosan to wa ni Sagamu.

Ọga awọn ẹṣọ oju popo wa rọ awọn awakọ lati maa bọwọ fun ofin oju popo ki wọn si maa rii pe taya ọkọ wọn duro deedee.