Operation Amotekun: Atiku ní ẹ̀ṣọ́ alábòò Amọtẹkun yóò ṣ'èrànwọ́ lórí ètò ààbò tó mẹ́hẹ
Oríṣun àwòrán, Twitter/Atiku Abubakar
Oludije fun ipo aarẹ labẹ asia ẹgbẹ oṣelu PDP ninu ibo gbogboogbo ọdun 2019, Atiku Abubakar naa ti kede atilẹyin rẹ fun ẹṣọ alaabo Amọtẹkun.
Ninu ọrọ rẹ, Atiku ni idasilẹ ọlọpaa ipinlẹ tabi ọlọpaa ẹkunjẹkun yoo ṣe iranwọ lori eto aabo to mẹhẹ lorilẹede Naijiria.
This article contains content provided by X. We ask for your permission before anything is loaded, as they may be using cookies and other technologies. You may want to read X cookie policy and privacy policy before accepting. To view this content choose 'accept and continue'.
End of X post
Atiku fọrọ yii lede lọjọ Aiku lẹyin ti minisita fun ọkọ ofurufu tẹlẹ ri, Femi Fani-Kayode sọ pe ata akara ti ko ran ikọ lọrọ ti ijọba apapọ sọ pe idasilẹ Amọtẹkun ko ba ofin mu.
Ninu atẹjade ti Atiku fi sita lati ọwọ oludamọran rẹ lori ọrọ iroyin, Paul Ibe, igbakeji aarẹ orilẹ-ede Naijiria tẹlẹ ni bi eto aabo ṣe ri ni nnkan bi ọdun mẹwaa sẹyin fihan pe ọrọ eto aabo nilo atunṣe ni Naijiria.
Atiku ni ko fẹẹ ma si ipinlẹ kan lorilẹ-ede Naijiria ti ko ni idojukọ tabi ipenija kan tabi omiran lori ọrọ aabo.
Atiku ni: ''Niwọn igba ti ipenija ipinlẹ kọọkan lori eto aabo ti yatọ si ra wọn, o tumọ si pe eto aabo ti ijọba apapọ nikan pese ko le dẹkun iwa ọdaran ati rogbodiyan ni Naijiria,
O ni idi eyi ni idasilẹ ẹṣọ eleto aabo bii Amọtẹkun fi ṣe pataki ni Naijiria.
- Ọwọ́ ọlọ́pàá tẹ afurasí tó ní òun ló jí ọmọ gbé láti parọ́ mọ́ pásítọ̀ ìjọ Sotitobire
- Ìgbéyàwó ọkùnrin s'ọ́kùnrin, obìnrin s'óbìnrin ti di òfin ní Northern Ireland
- Àǹfààní wo ló wà nínú Brexit fún Nàìjíríà àtàwọn orílẹ́-èdè Afíríkà?
- Obìnrin tó lówó jùlọ ní Africa 'ja orílẹ̀-èdè rẹ̀, Angola lólè' fi kó ọ̀rọ̀ jọ ni
Ẹwẹ, alaga ẹgbẹ awọn gomina ilẹ Yoruba to tun jẹ gomina ipinlẹ Ondo, Ọgbẹni Rotimi Akeredolu ti sọ pe awọn ko ṣe agbakalẹ Amọtẹkun lati tako iran mii ni Naijiria.
Akeredolu kilọ fawọn to n fi oju ẹlẹyamẹya wo Amọtẹkun pe eto aabo to munadoko lo jẹ awọn logun, eyi lo fa sababi ifilọlẹ Amọtẹkun.
Awọn ọtọkulu bi Ọjọgbọn Wole Soyinka, eekan ẹgbẹ Afenifere, Oloye Ayo Debanjo; agbẹjọro agba ati ajafẹtọ, Femi Falana, Oloye Olu Falae, ati Aarẹ Ọnakakanfo, Iba Gani Adams atawọn mii ni wọn ti sọrọ lati gbaruku ti eto Amọtẹkun.
- Ìtàn ìgbé ayé Bode Thomas rèé, ó kọ́ wa láti máa kó ẹnu wa ní ìjánu
- Harry àti Meghan kò ní lo orúkọ oyè wọn mọ́, wọn kò sì lẹ́tọ̀ọ́ sí owó ilú mọ́ ní UK
- Ààfá mẹ́ta réwọ̀n hé nípa ṣíṣe ìrànlọ́wọ́ òjijì fún obìnrin kan pẹ́lù 36 mílíọ̀nù náìrà
- Wo àwọn krìstíẹ́nì tó n wẹ̀ nínú odò tó ní yìnyín láti ṣàjọyọ̀ ìrìbọmi Jesu
