Revolution Now: Iléejọ́ ní àjọ DSS kò láṣẹ láti ti Sowore mọ́lé ju ọjọ́ 45 lọ
Oríṣun àwòrán, @YeleSowore
Ileẹjọ giga ijọba apapọ to wa nilu Abuja ti pasẹ fun ajọ ọtẹlẹmuyẹ ilẹ wa pe ko gbọdọ fi asaaju ikọ to n se iwọde Revolution Now, Omoyele Sowore, si ahamọ kọja ọjọ marundinlaadọta lọ.
Omoyele Sowore ni awọn osisẹ ajọ ọtẹlẹmuyẹ mu si ahamọ wọn lọjọ Satide to kọja saaju iwọde ẹgbẹ Revolution Now to waye lọjọ Aje, ti wọn si tun gba ile ẹjọ lọ pe awọn fẹ gba asẹ lati fi asaaju ikọ oluwọde naa si ahamọ fun aadọrun ọjọ, tii se osu mẹta gbako.
Àwọn iròyin tì ẹ leè ní ìfẹ̀ síí:
- Èmi àti Saheed kìí ṣe ọmọdé, a ti jọ ṣe Sinimá papọ̀, èyí túmọ̀ sí pé ìjà ti parí - Fathia Balogun
- "Mo fẹ́ pa ara mi torí ojú àbùkù tí wọn ń fi wò mí pé mo fi iṣẹ́ abẹ bímọ"
- Fulani kò leè dúró, táa bá lo ohun ta jogún lọ́dọ̀ àwọn bàbá wa - Sunday Igboho
- Ọjà Àgbáláta ní Badagry rèé, níbití ẹran ejò ti dùn ju ẹran adìẹ lọ
Amọ lasiko to n gbe idajọ rẹ kalẹ lori ẹjọ kanmọ n kia ti ajọ ọtẹlẹmuyẹ naa pe, Adajọ Taiwo Taiwo salaye pe ajọ agbofinro naa lee pada wa beere afikun ọjọ to fẹ fi fi Sowore si ahamọ rẹ, lẹyin asẹ ọjọ marundinlaadọta ti oun pa fun.
Adajọ Taiwo ni oun fun ajọ DSS lasẹ lati fi Sowore si ahamọ ko fi pari iwadi rẹ to n se ni nitori ajọ naa nilo akoko si lati fi ẹnu iwadi rẹ jona.
Nibi igbẹjọ naa ni ajọ DSS ti se afihan awọn fidio gẹgẹ bii ẹri to n se afihan pe Sowore lọ se ipade pẹlu olori ikọ Biafra tijọba ti fofin de, Nnamdi Kanu, ati eyi to fi n parọwa si awọn ọmọ ẹgbẹ Shiite lati dara pọ mọ ikọ Revolution Now, ki wọn le doju ijọba ilẹ wa bolẹ.
- Ọlọ́run yóò ṣe ìdájọ́ nkan tó wà láàrin èmi àti Ireti Ajanaku - Tope Alabi
- A kò mọ̀ọ́mọ̀ pa ọlọ́pàá mẹ́ta, aráàlú kan, ó ṣèèsì ni, ajínigbé la pè wọ́n - Iléeṣẹ́ ológun
- Sowore àti àwọn ọmọ ẹgbẹ Revolution Now kò ṣẹ̀ ṣófin lórí ìwọ́de, ẹ tú wọn sílẹ̀ - NLC
- Òṣùká kékeré kò rẹrùn àgbà, orílẹ́èdè Nàìjíríà ṣòro púpọ̀ láti darí - Ibrahim Babangida
Adajọ Taiwo ti wa sun igbẹjọ naa di ọjọ Kọkanlelogun osu Kẹsan ọdun 2019.
