Olori Sekinat Aramide Ajoke Elegushi: Nítòótọ́ mo ni ẹni tí mo ń fẹ́ tẹ́lẹ̀ kí n to pàdé Oba ṣùgbọ́n...

Èmi kìí da ọkọ mi láàmù lórí ọrọ Obinrin nítori pe O mọ ẹ̀tọ́; emi naa si mọ aaye mi ninu aye Kabiesi- Olori Elegushi

Bayii ti ọrọ awọn Olori laafin awọn Oba ile Yoruba n jade lori ayelujara lọtun losí ni BBC ṣe n jade lọ fọrọwa wọn lẹnuwo gẹgẹ bii apẹrẹ rere fun awọn ọdọbinrin asiko yii to wu wọn lati wọnu ile ọla.

Olori Sekinat Aramide Ajoke Elegushi gbalejo BBC Yoruba nilu Eko.

O sọrọ lori bi o ṣe pade Ademola Elegushi gẹgẹ bi ọrẹ lasan ti oun ko si mọ nigba naa pe yoo pada di Oba ni Eko.

O ni pe oun ni ẹni ti oun n fẹ nigba naa ati pe Kabiesio gan maa n sin oun lọ sọdọ 'Boyfriend' naa nigba naa ki ọrọ ifẹ wọn wa to pada wọ sii.

Olori Aramide ṣalaye bi o ṣe pade Kabiesi Sayeed Ademola nibi ọja iya rẹ ni ṣọọbu wọn ni Isale Eko.

O sọ bi wọn se jọ bẹrẹ igbe aye irẹlẹ ninu iyara meji ki Oba Oke to sọ wọn di nla bayii bii tokotaya.

O sọrọ nipa pataki gbigba ọmọ ti Olodumare ba fun eeyan; iba ṣe ọkunrin tabi obinrin nitori pe ko si nkan ti obinrin n ṣe ti ọkunrin ko le ṣee.

Olori Aramide menuba pataki suuru ati ifarada ti ko wọpọ laarin awọn ọdọbinrin asiko yii.

O sọ nipa ajọ alaanu to da silẹ lọdun 2019 ati ohun to ṣokunda dida ajọ naa silẹ

O gba awọn ọdọbinrin to wu lati wọle ọla lati lọ kọ suuru nitori oun ko wo ipo tabi owo fẹ ọkọ nigba naa bikoṣe ifẹ ọkan oun.