Ajah-Lagos Mayhem: Ọkọ̀ àjàgbé tẹ ọlọ́kadà àti èrò rẹ̀ pa L'Eko, wàhálà bẹ́ sílẹ̀
Oríṣun àwòrán, @lagospostdotng
Wahala bẹ silẹ lagbegbe iloro Lekki Toll Gate keji, to wa loju ọna marosẹ Lekki-Epe, nipinlẹ Eko, lẹyin ti ọkọ ajagbe kan tẹ ọlọkada kan ati ẹni to gbe pa.
Iroyin ni ijanu ọkọ naa, to n ko yanri, ja ni nnkan bi aago mẹsan an aarọ ọjọ Iṣegun, ko to lọ kọlu ọlọkada naa ati ẹni to gbe.
Lẹyin ijamba naa ni awakọ ọhun fi ọkọ rẹ silẹ to si ba ẹsẹ rẹ sọrọ, ti ọlọkada naa si ku lẹsẹkẹsẹ, nigba ti ẹni to gbe sẹyin jade laye lẹyin akoko diẹ si.
- Ọ̀pọ̀ òkú ń sùn ní Ukraine, wọ́n ń sin wọ́n ní àsinpọ̀ sí ibojì kan ṣoṣo
- Ṣé lóòtọ́ọ́ ní àwọn awakọ̀ èrò fẹ́ ṣe ìwọ́de lónìí l‘Eko torí yíyọ MC Oluomo nípò?
- Ìwà àtakò sí ìjọba ní bí ọlọ́pàá bá da iṣẹ́ sílẹ̀, kò tọ̀nà - Iléeṣẹ́ ọlọ́pàá
- Afurasí Fulani gé ọwọ́ Fijilańté méjèèjì ni Iwere Ile ni Ipinle Oyo
- Ẹ wo àwọn obìnrin tí kìí ṣe ọmọ Yorùbá tó jẹ́ ayaba ní ààfin ilẹ̀ Káàárọ̀ oòjíire
- Ohun tó fa wàhálà Hijab ní Ijagbo rèé - Olùkọ́ àgbà
- Ẹ gbà mi o, àwọn oníjìbìtì ayélujára ti ń bèèrè ìrànwọ́ lórúkọ́ mi - Kemi Afolabi lọgun
- "Ẹgbẹ́ àjẹ́ tí mo wà ní Anambra ló ní kí n pa ọmọ ọ̀gá mi l'Eko"
- Ipò tí Naijiria wà fi hàn pé inú Ọlọrun kò dùn sí orílẹ̀-èdè yìí - Gani Adams
- Ẹsẹ̀ mi yẹ̀ gẹ̀rẹ̀, mo la orí mọ́ táísì, mo sì fẹ́ ẹ̀ pàdánù ọpọlọ nígbà tà ń ya fíìmù - Mide Martins
Oṣojumikoro kan to sọrọ lasiko to n ka ijamba naa silẹ lori ikanni Instagram sọ pe awọn agbofinro wa lagbegbe ọhun nigba ti ijamba a naa ṣẹlẹ amọ wọn ko ṣe ohunkohun ẹmi awọn to faragba ninu rẹ.
Ẹlomiran ti iṣẹlẹ naa tun ṣoju rẹ sọ pe egungun ọkan lara awọn to ba iṣẹlẹ naa lọ fọ lasiko ti ijamba ọhun waye.
Rogbodiyan bẹ silẹ, awọn eeyan sun ọkọ ati taya
Ẹwẹ, iku awọn eeyan ọhun da rogbodiyan silẹ lagbegbe naa to bẹẹ ti awọn eeyan ọhun, to fi mọ awọn ọlọkada bẹrẹ ifẹhonuhan lẹsẹkẹsẹ.
Lẹyin naa ni wọn dana sun ọkọ ajagbe ọhun.
Ko tan sibẹ, awọn olufẹhonuhan naa tun fi ina si awọn taya ọkọ loju ọna naa naa, eyii to fa ọpọ sunkẹrẹfakẹrẹ lagbagbe ọhun.
Iroyin ni awọn ọlọpaa ti wọn ran lati pana rogbodiyan naa yinbọn soke lọna ati tu awọn olufẹhonuhan naa ka.
Ẹnikan to wa nibi ifẹhonuhan ọhun, Dr. Smile, sọ fun awọn akọroyin pe lara awọn olufẹhonuhan naa kọlu awọn ọlọpaa nitori pe wọn yinbọn soke.
O ni "Awọn eeyan n binu; wọn n le awọn ọlọpaa sinu ile Eleganza... ṣadede ni awọn ọlọpaa naa de ti wọn si bẹrẹ si n yinbọn."
"Awọn ọlọpaa ko lẹtọọ lati yinbọn ni iru akoko bayii."
Ẹwẹ, agbẹnusọ ileeṣẹ ọlọpaa ipinlẹ Eko, Adekunle Ajisebutu sọ pe awọn oṣiṣẹ awọn ko lo ipa to le lati pana wahala naa.
O ni "Kọmiṣọna ni ki awọn oṣiṣẹ wa lọ pana rogbodiyan naa, wọn si ti ṣe bẹẹ."
"A ti bẹrẹ iwadii lori iṣẹlẹ naa... a ko lo ipa to le lati tu awọn olufẹhonuhan naa ka amọ wọn ti ọwọ ipa bọ ọrọ naa."
Nigba to n sọrọ, agbẹnusọ igbimọ amuṣẹya ipinlẹ Eko, Gbadeyan Abdulraheem ni "Awọn ti ọrọ naa sọju wọn sọ pe 'one way' ti ọlọkada naa gba lo bi ijamba naa, bi beẹ kọ, iṣẹlẹ naa ki ba ma ti waye."
