Yahoo Boys: Àwọn afurasí ọmọ Yahoo gbé òkú ọmọṣẹ́ wọn tó mu Colorado sórí afárá l'Abeokuta
Oríṣun àwòrán, Others
Awọn afurasi onijibiti ori ayelujara ti ọpọ mọ si Yahoo boys ti n ka boro boro lagọ ọlọpaa lori iku to pa ọdọkunrin ọmọ ogun ọdun kan, Uzoma Alexander niluu Abeokuta.
Mama ọdọkunrin naa, Ogechi Alexander lo mẹjọ lọ si agọ ọlọpaa to wa ni agbegbe Adigbe pe ọmọ oun kuro nile ni ogunjo oṣu kọkanla ọdun ṣugbọn ko pada wale lati igba naa.
Uzoma ni ọmọ oun dagbere pe oun fẹ ṣe abẹwo sí awọn ọrẹ oun kan eleyii ti oun iya rẹ gan an ko mo.
- 'Àṣírí ọkọ mi tú sími lọ́wọ́, ṣé mo le dáríjì í?'
- Olùkọ́ni ẹgbẹ́ agbábọ́ọ́lù U-17 ní Gabon di èrò àtìmọ́lé fún ẹ̀sùn fífipá bá àwọn agbábọ́ọ́lù ọ̀kùnrin sùn
- Gbangba dẹkùn, ka bí ẹkùn tórúkọ rẹ̀ ń jẹ́ 'Eko' ṣe bu apá arákùnrin ẹni ogún ọdún jẹ
- Àwọn ìṣẹ̀lẹ̀ mánigbàgbé tó wáyé lọdún 2021
- 'Àṣírí ọkọ mi tú sími lọ́wọ́, ṣé mo le dáríjì í?'
- Mo ti ra ilẹ̀ ìsìnkú mi ní 'Ebony Vault' ṣùgbọ́n....
- Wo bí àwọn gbajúmọ̀ tí ẹ̀ fẹ́ràn yìí ṣe tẹ̀ẹ́ wọ́nú ọdún 2022 àtí ohun t'Ọ́lọ́hun gbé wọn borí
Agbẹnusọ ileeṣẹ ọlọpaa ipinlẹ Ogun, Abimbola Oyeyemi ni lati agọ ọlọpaa to wa ni Adigbe ni ọga agba ọlọpaa Ogun, CP Lanre Bankole ti pàṣẹ ki ẹka ileeṣẹ ọlọpaa to n ṣewadi, SCIID bẹrẹ iṣẹ lori iṣẹlẹ naa.
Oyeyemi ni DSP Nurudeen AbdulGafar at'awọn ọlọpaa mii lo mu Babatunde Owoseni ti wọn ri pọ mọ ọdọkunrin to ku naa.
Oyeyemi ni Owoseni lo ran awon ọlọpaa lọwọ lati mu awọn mii bíi Azeez Oyebanji, Ayobami Adesina ati Balogun Suleiman.
'Wọn jẹwọ fun wa pé ọdọkunrin naa wa si ọdọ awọn lati koṣẹ jibiti ori kọmputa ti ọpọ mọ si "Yahoo boys."
Lẹyin ti gbogbo wa jẹun tan ni a mu oogun Colorado eleyii to mu gbogbo wa sun lọ.
Nigba ti a jí laago mẹjọ ni a ri pe ọmọkunrin naa ti ku silẹ," Oyeyemi lo sọ bẹẹ.
Agbẹnusọ ileeṣẹ ọlọpaa ni Azeez Oyebanji to ta oògùn Colorado fun won gba wọn ni imọran pe ki wọn lọ sọ òkú ọmọkùnrin naa nu.
Oyeyemi ni Ayomide ati Gafar lo gbimọ pọ láti lò ọkọ Uber gbe oku naa lọ sori afara Kuto ni Abeokuta.
Agbẹnusọ ileeṣẹ ọlọpaa ni awon oṣiṣẹ eleto ilera lo lọ gbe oku ọkunrin naa kuro lori afara ti wọn sì lọ sìn in.
Oyeyemi ni apa wa lori oloogbe naa eyi to fihan pe iwa ipa ni wọn fi ṣekupa a.
