Rohingya sue Facebook: Àwọn ẹ̀yà kan rèé tó pe iléeṣẹ́ Facebook lẹ́jọ́, wọ́n ń bèrè $150b owó gbà mábìnú
Oríṣun àwòrán, Reuters
Awọn aṣatipo Rohingya kan nilẹ Gẹẹsi ati Amẹrika ti pe ileeṣẹ Facebook lẹjọ.
Wọn fẹsun kan Facebook pe oju opo rẹ lawọn eeyan kan ti n sọrọ ikorira nipa awọn ti ileeṣẹ naa ko si ri nnkankan ṣe nipa rẹ.
Ẹya ọhun ti wa bere owo gba mabinu ti iye rẹ tọ ogoje biliọnu dọla lọwọ ileeṣẹ naa bayii fun bo ṣe dakẹ gbera lori ọrọ ti awọn to n lo oju opo naa kọ nipa awọn.
- Àwọn ilé ẹjọ́ ní Naijiria yòó bẹ̀rẹ̀ sí ní ṣe ìgbẹ́jọ́ lórí ayélujára
- "Kí ló dé tó jẹ́ orúkọ ẹbí Kashamu nìkan lẹ mú bọnu nínú àwon ọmọ Marun ti Oromoni Jnr dárúkọ?"
- A ṣetán láti bá Sanwo-Olu rìnrìn àlàáfíà, ẹ̀yin krìstẹ́nì, ẹ darapọ̀ mọ wa- MURIC
- Àwọn mọ̀lẹ́bí Sylvester Oromoni bẹ Femi Falana lọ́wẹ̀ láti pe Dowen College lẹ́jọ́
- Wó ìgbésẹ̀ táwọn ọlọ́pàá gbé níwájú iléẹ̀kọ́ Dowen College tí Sylvester Oromoni tó kú lọ
- Àbùkù ńlá ni ikú Sylvester Oromoni jẹ́ fún ìjọba ìpínlẹ̀ Èkó- ìyàwó Gómìnà Sanwo-Olu
Nnkan bii ẹgbẹrun mẹwaa awọn ẹya Rohingya to jẹ Musulumi ni wọn padanu ẹmi wọn lasiko ti awọn ọmọ ogun ya bo awọn eeyan naa lorilẹ-ede Myanmar lọdun 2017.
Wọn ni Facebok faye gba awọn eeyan lati maa sọrọ kobakungbe nipa ẹya naa fun ọpọ ọdun.
Nilẹ gẹẹsi, ileeṣẹ agbẹjoro to n ṣoju awọn ẹya naa ti kọ lẹta si Facebook, ninu eyii ti wọn fẹsun kan facebook pe o gba ọrọ odi nipa awọn eeyan naa laye loju opo rẹ.
Wọn tun ni o kọ lati yan awọn eeyan ti yoo maa bojuto ohun ti awọn eeyan n kọ nipa bi eto oṣelu ṣe n lọ lorilẹ-ede Myanmar.
Wọn tun sọ siwaju si pe ileeṣẹ Facebook kọ lati yọ awọn ọrọ odi nipa awọn eeyan naa kuro loju opo rẹ, bo tilẹ jẹ pe awọn ileeṣẹ iroyin kan ti kilọ fun Facebok lati ṣe bẹẹ ṣaaju.
Nilẹ Amẹrika ẹwẹ, awọn agbẹjọro kan ti pe Facebook lẹjọ niluu San Fransisco lori ọrọ yii kan naa.
Wọn ni Facebook n fi ẹmi awọn eeyan naa ta tẹtẹ lọna ati ri ero pupo loju opo rẹ.
Bo tilẹ jẹ pe Facebook sọ lọdun 2018 pe lootọ ni ohun ko ṣe daadaa to lori ọrọ awọn eeyan naa, ṣugbọn ko tii fesi si ẹjọ yii.
Ileeṣẹ iroyin BBC ti kan si Facebook lori ẹsun naa, ṣugbọn a ko tii gbọ esi kankan lati ọdọ wọn.
