Priscila Tsegah CCTV: Ikú akẹ́kọ̀ọ́ ẹni ọdún 23, irú kí ló ṣẹlẹ̀ tí ọlópàá fí ba oku rẹ̀ nílé ìtura?

Ẹkunrẹrẹ ohun to ṣẹlẹ si akẹkọọ akọroyin kan ti wọn ba oku rẹ ninu ibugbe awọn akẹkọọ ṣi ruju si awọn eeyan ilẹ Ghana.

Ọmọ ọdun mẹtalelogun ni akẹkọọ naa ti iku rẹ jẹ iyalẹnu fun ọpọ eeyan.

Losu to kọja ni iroyin gbode lori ayelujara pe akẹkọọ naa Priscila Tsegah dawati lẹyìn t'awọn mọlẹbi kede pe o to ọjọ mẹta tawọn ko ri nile.

Ko pẹ sigba naa l'awọn mọlẹbi gba ipe wí pe o jọ pe wọn ri oku ọmọ wọn nile itura kan.

Nise lawọn ọlọpaa lọ gbe oku naa ṣugbọn wọn ko le sọ oku tii ṣe nitori ko si idanimọ kankan lara rẹ titi di igba ti awọn mọlẹbi sọ pe ọmọ awọn ni.

Iroyin to n tẹwa lọwọ fi han pe awọn oṣoju mi koro ni akẹkọọ yi ati ọrẹ rẹ obinrin kan ni wọn jijọ san owo oorun ọjọ meji ni ile itura.

Ṣugbọn wọn ni ọrẹ rẹ nikan lo da jade kuro lọjọ keji.

Wọn ni bi ọrẹ rẹ ṣe n jade, niṣe lo wọ aṣọ rẹ,to si gbe baagi ati kaadi idanimọ rẹ pẹlu.

A tun gbọ pe o ko kọkọrọ iyara to sun lọwọ lọ to sí tilẹkun pa.

Awọn oṣiṣẹ ile itura pada si ilẹkùn pada pẹlu kọkọrọ mii to wa lọwọ wọn.

Iyalẹnu lo jẹ fún wọn nigba ti wọn ba oku akẹkọọ yi ni ihoho omoluabi ninu agbara ẹjẹ lori ibusun.

Kia ni wọn pe awọn agbofinro ti ayẹwo si fi hàn pe wọn gun lọbẹ ninu ni

Awọn agbofinro Ghana bẹrẹ iwadii ti wọn sì fi fónrán fídíò awọn ọrẹ mejeeji ṣọwọ́ sí araalu.

Price Tsegah to jẹ mọlẹbi arabinrin yi sọ pe awọn fura si ọrẹ rẹ ti wọn jijọ lọ sí ilé itura.

Amọ ṣá awọn ọlọpaa ko ti darukọ ẹnikẹni pe ọ mọ nipa isekupaniyan yi.