Yoruba film celebrities: Ìdùnnú ṣubú lu ayọ̀ nílé Wasiu Alabi Pasuma

Ọpọlọpọ òṣèré fiimu ati olorin Yoruba lo n kan sara si gbajugbaja olorin Alhaji Wasiu Alabi Pasuma fun oriire ati aṣeyọri igbeyawo ọmọ rẹ to fi fun ọkọ l'Ọjọbọ ọsẹ.

Awọn oṣere fiimu Yoruba yẹ Ọga Nla si gidi gan gẹgẹ bi ọkan lara wọn ati ẹni ti wọn bọwọ fun.

Lara awọn to fi fidio ati aworan bi eto naa ṣe n lọ si ori ayelujara wọn lati ki Pasuma si ni oṣere Jaiye Kuti nibi ti oun, Ayo Adesanya ati Faithia Williams ti jọ joko.

Ìlẹ̀kẹ̀ otútú ọgbọ̀n, Ìrọ́kẹ́, àwa ẹlẹ́sìn ìbílẹ̀ náà fẹ́ káwọn ọmọ wa máa wọ lọ sílé ìwé - Elebuibon

Ìdí tí JAMB fi sún ìforúkọsílẹ̀ ìdánwò síwájú tí wọ́n kéde ọjọ́ míràn

Àrà kengé! Ṣọ́ọ̀ṣì Church of England fẹ́ dá ère idẹ Benin méjì padà sí Nàìjíríà

Bí Oladeinde Fernandez tí bàbá rẹ̀ kò gbajúmọ̀ ṣe rìn ín tó ń wọ́ ṣẹ̀kẹ̀rẹ̀ owó lókè òkun

Bakan naa lo tun fi fidio kan sita to n safihan awọn akẹgbẹ wọn miran to wa nibi igbeyawo naa. Lara wọn ni Madam Saje, Jigan, Mama Rainbow ati bẹẹ bẹẹ lọ.

Ìdùnnú ṣubú lu ayọ̀ nílé Wasiu Alabi Pasuma, ọmọ rẹ̀ obìnrin ń relé ọkọ

Orin ayọ, ati ijo idunnu lo n rọ bi ojo ni ile gbajugbaja olorin Fuji, Alhaji Wasiu Alabi Pasuma, pẹlu bi o ṣe fa ọkan lara awọn ọmọbinrin rẹ fun ọkọ.

Ọjọbọ ni agba olorin naa fi sori ayelujara Instagram rẹ pe ọmọ oun, Oyindamola ti di ọlọkọ.

Ilu Eko ni ayẹyẹ naa ti n waye lọwọlọwọ.

Ninu ọrọ naa to kọ si abẹ fidio kan to ṣafihan bo ṣe n fa ọmọ rẹ wọ inu gbọngan igbeyawo, ni Alhaji Pasuma ti sọ pe ẹwa ati ipenija to wa ninu jijẹ obi ni pe, ko si bo se wu obi ki ọmọ rẹ o wa pẹlu rẹ to ni igba gbogbo, awọn asiko kan yoo wa ti obi ni lati jọwọ ọmọ rẹ ko lọ.

"O ti wa a ye mi wayii pe ko si nkan to dabi ki eeyan ri ọmọ rẹ ikoko, ko dagba, ko tun wa wọ aṣọ igbeyawo lọjọ ẹyẹ rẹ.

"Ha, ko si ibaṣepọ to da bii ti baba ati ọmọ rẹ obinrin."

Pasuma tẹsiwaju ninu ọrọ rẹ pe asiko ti ọmọ ba n ṣe igbeyawo jẹ akoko idunnu fun gbogbo obi.

"Yiyọnda ọmọ rẹ obinrin, kii ṣe nkan to rọrun rara, ṣugbọn o jẹ nkan ti ko ṣee ma ṣe, bo ti wu ki o gbiyanju lati sa fun asiko naa."

Wo ohun tí Pasuma sọ nípa Opeyemi, ọmọ rẹ tó di ọmọ ogun orí omi l'Amẹrika

Alabi Pasuma Ọ̀gáńlá pé ẹni ọdún 51

Pasuma kìí ṣe ọkọ mi o! Lanre Kuti ni mo fẹ́ - Jaiye Kuti

Mo lóbìnrin tó bímọ fún mi, ṣùgbọ́n ọ̀rọ̀ ìyàwó kò tíì yọ fún mi báyìí-Pasuma

Baba iyawo naa wa gbadura pe ki idunnu nla ko wa pẹlu tọkọtaya, ki igbeyawo wọn si jẹ apẹẹrẹ fun awọn to wa ni ayika Oyindamola ati Olajuwon, pe nkan to rẹwa ni ifẹ, to si jẹ alaanu ati olufarada.

Ilana ẹsin Islam ni ayẹyẹ igbeyawo naa fi waye.

Lara awọn gbajumọ to ti peju sibi ayẹyẹ igbeyawo naa ni Mama Rainbow, Yomi Fash Lanso atawọn eekan oṣere ati olorin Yoruba.