ASUU Strike: Àwọn ẹgbẹ́ òṣìṣẹ́ bèèrè ohun méjì lọ́wọ́ ìjọba, kí wọn tó fopin sí ìyanṣẹ́lódì
Oríṣun àwòrán, Emmanuel oloye
Ẹgbẹ olukọ ni fasiti lorilẹede Naijiria, ASUU ti sọ ohun meji ti wọn fẹ lọwọ ijọba, ki wọn to fopin si iyanṣẹlodi wọn.
Iyanṣẹlodi naa ti dena awọn akẹkọọ fasiti lati pada si ileewe lẹyin ti ijọba apapọ paṣẹ ki awọn ileewe ṣi pada.
Aarẹ ẹgbẹ ASUU, Ọjọgbọn Biodun Ogunyemi ṣọ eyi lasiko to n ba awọn oniroyin sọrọ.
Àwọn iròyin tì ẹ leè ní ìfẹ̀ síí:
- "Ọkùnrin kọ́ ló ra jeep fún Iyabo Ojo, òógùn ojú mi ni mo fi rà á fun"
- Àwọn ọ̀dọ́ l‘Eko yarí, ìwọ́de tó tako ọlọ́pàá SARS gbòde
- "Àwọn ajínigbé yìí dájú o, wọ́n fipá bá obìnrin mẹ́rin ló pọ̀ níwájú mi"
- Ìgbeyàwó túka nígbà tí afipábánilópọ̀ fi fídíò aya àfẹ́sọ́nà sórí ayélujára
- Sotitobire: Ojú àwọn Wòlí tó tí lọ sẹ́wọ̀n lórí ẹ̀sùn ọdaràn tẹ́lẹ̀ rèé
- Tí wọ́n bá kó owó wá fun yín lásìkò ìdìbò, owó tí wọ́n jí ni o, ẹ gbà á àmọ́...
- Ìdájọ́ ẹ̀wòn gbére kò ní kí Wòlíì Sotitobire má lọ sí ilèẹjọ́ kòtẹ́milọ́rùn - Agbẹjọ́rò Pásítọ̀ Alfa Babatunde
Ogunyemi ni kii ṣe ifẹ inu awọn tabi imọ tara ẹni nikan lo mu wọn gunle iyanṣẹlodi, amọ nitori eto ẹkọ to dẹnukọlẹ ni.
Oríṣun àwòrán, Getty Images
Gẹgẹ bi ọrọ rẹ, ijọba ko gbọdọ ma a wo awọn yara ikẹkọọ bi o ṣe bajẹ lai tun ṣe, pẹlu awọn ile ibusun awọn akẹkọọ ti ko ṣe e fi oju ri nitori wọn ti bajẹ patapata.
Ẹgbẹ oṣiṣẹ ASUU ni eleyii ko jẹ ki awọn akẹkọọ ni ifọkanbalẹ ni ileewe wọn.
Lọna keji ẹwẹ, ijọba gbọdọ san owo osu oṣiṣẹ ti wọn jẹ awọn olukọ fasiti naa, ki wọn to wọle pada.
''Ohun ti a n beere fun ni ki ijọba san owo oṣu awọn olukọ, ki wọn si ṣe atunṣe to yẹ ni awọn ileewe fasiti.''
''Gbogbo ohun ti ẹgbẹ ASUU n ṣe ni ki awọn olukọ ati akẹkọọ le ṣe iṣẹ wọn bii iṣẹ.''
''Awọn olukọ ko yan iṣẹ lodi nitori imọ tara ẹni nikan, awa naa ni awọn ọmọ si ileewe, a si fẹ ki aye wọn dara.''
Lori ibeere pe, ṣe awọn akẹkọọ yoo wọle pada nsi ileewe ni ọdun yii, esi ti ASUU fun awọn oniroyin ni pe, ijọba lo le e sọ igba ti awọn akẹkọọ yoo wọle pada, ti wọn ba ti dahun ibeere awọn.
Ẹgbẹ ASUU wa rọ awọn akẹkọọ lati ṣe suuru pẹlu awọn olukọ wọn, nitori gbogbo igbiyanju awọn olukọ ni wi pe, ki wọn le e fi sabuke wọn yangan ni ọjọ iwaju.
