Рамзан Қодиров Украинада чечен жангарилари бўлганини тан олди
Сурат манбаси, AFP
Чеченистон раҳбари Рамзон Қодировнинг айтишича, Украина шарқида ўзини мустақил деб эълон қилган республикалар томонида жанг қилган барча чечен кўнгиллилар ватанга қайтишган.
"У ерда бор эди кўнгиллилар, ҳозир йўқ. Ярашув бўлганда, барча кўнгиллиларни уйга чақирдик: келинг, уйда ўтиринг, деб... У ерда ҳозир биронта ҳам (чечен) қолмаган. У ерда бўлган безориларни уйга қайтариб олиб келдик", - деди Қодиров РИА Новости агентлигига берган интервьюсида.
У, шунингдек, агар Россия Донбассдаги урушда иштирок этганида, Киев буни "аллақачон сезган бўларди", деб айтди.
Ўтган июнь ойида Рамзон Қодиров Донбассда чечен батальонлари борлигини рад қилиб, бу хабарларни "сафсата" дея қоралаганди.
"Агар у ерда чечен батальони бўлганида, Донбассда ҳамма нарса ниҳоясига етган бўларди, чунки аллақачон Киевга етиб олишарди. Агар бу вазиятга ҳаққонийлик билан қарасак, у ердаги вазиятни Россия раҳбарияти ушлаб турибди", - деб айтганди ўшанда чечен раҳбари.
Жаҳон ҳамжамияти бир неча бор Украинадаги қуролли можарода Россия иштирок этаётганини айтган.
Украина ва Ғарб давлатлари Россияни тартибсизликларни келтириб чиқариш, сўнг эса исёнчиларни молия ва қурол билан таъминлашда айблаганлар.
Москва бу айбловларни мунтазам равишда рад қилиб келади.
Би-би-си Ўзбек хизмати билан Whatsapp, Telegram ва Viber орқали боғланишни истасангиз, телефонимиз: +44 78-58-86-00-02.
Instagram – BBC UZBEK
Twitter – BBC UZBEK
Odnoklassniki – BBC UZBEK
Facebook- BBC UZBEK
Google+ BBC UZBEK
YouTube - BBCUZBEK (https://www.youtube.com/user/bbcuzbek)
Skype - bbcuzbekradio
