Дунё, янгиликлар: iTunes'дан воз кечган Apple ва биринчи миллиардер-репперга айланган ким?

2003 йилда ишга туширилган машҳур iTunes медиа-иловасинининг тугатилиши ҳақида гап-сўзлар анча вақтдан бери юрар эди.

Душанба куни ўтган конференцияда компаниянинг маълум қилишича, iTunes медиа-иловаси вазифаларини Apple Music, Apple Podcasts ва Apple TV каби хавфсизлик чоралари кучайтирилган иловалар бажаради.

Шунингдек, янги iOS 13 операцион тизими тўғрисида ҳам маълумотлар берилган.

iOS 13 олдинги тизимлар интерфейс ва қатор янги функциялар билан ажралиб туради.

Масалан, янги операцион тизимга иловаларни қора фонда ишлашини таъминловчи тартиб қўшилган, шунингдек, Apple Maps харита-иловасида виртуал саёҳат имконияти пайдо бўлган.

Apple Watch эса янада ақлли бўлган. У энди айфонлардан анчайин мустақил ишлай олади ва ақлли соатлар учун алоҳида иловалар дўкони ишга туширилади.

Apple Watch'да ҳомиладор бўлиш имконияти юқори кунларни олдиндан аниқлаб берувчи ҳайз циклини кузатадиган ва фойдаланувчи ўта шовқин ерга тушиб қолганда огоҳлантириш товуши бериб, шовқин даражасини назорат қилиб борадиган иловалар пайдо бўлган.

Миллиардердан чиқққан реппер

Jay-Z дунёнинг биринчи миллиардер-репперига айланди

Forbes журнали Jay-Z'ни ҳип-ҳоп жанрининг илк миллиардер вакили, дея расман тан олган.

Мусиқа ва мода саноати, кўчмас мулк, инвестициялар билан шуғулланувчи реппер йиллар давомида бутун бошли молиявий империя яратишнинг уддасидан чиққан.

Forbes унинг бойлигини роппа-роса $1 миллиардга баҳолаган.

Асл исми Шон Картер бўлган Jay-Z Нью-Йоркда ўсган. У 1996 йилда Reasonable Doubt альбоми билан машҳурликка эришган.

Forbes'нинг изоҳлашича, яна бир таниқли қўшиқчи Beyonce'нинг турмуш ўртоғи бўлмиш 49 ёшли Jay-Z турли брендларнинг мижозига айланиш ўрнига ўзи Дунё янгиликлар: Ёзда қор ёғди, ёпилаётган iTunes, репперга айланган миллиардер брендларга асос солгани шарофати билан шундай даражага етган.

Унинг супер-юлдуз рафиқасининг бойлиги $335 миллионга баҳоланган.

Бир вақтлар «Мен бизнесмен эмасман, мен бизнесман» дея қўшиқ айтган реппер миллиардерга айланган камдан-кам юлдузлардан.

Бу вақтгача ўзининг Beats қулоқчинлар бизнесини 2014 йилда Апплеъга сотган Dr Dre биринчи реппер-миллиардер ҳисобланар эди. Бироқ Forbes ўтган йили унинг бойлигини $770 миллионга баҳолаган.

Ёзда ёққан қор

Австралиянинг шарқий ҳудудлари бўйлаб совуқ об-ҳаво шароити юзага келган. Иқлими субтропик бўлган Квинсленднинг айрим ҳудудларига қор ёғган.

Австралия Метрология Бюроси фуқароларни об-ҳавонинг кескин ўзгаришидан огоҳлантириб чиққан. 1,000 чақиримга чўзилган ҳудудлар бўйлаб фавқулодда ноқулай об-ҳаво шароити огоҳлантиришлари эълон қилинган.

Одамларга имкон қадар уйдан кўчага чиқмаслик тавсия этилган.

Австралияда йил фасллари шимолий яримшарга нисбатан тескари бўлиб, қиш июндан бошланади.

Бироқ Квинсленд каби субтропик иқлимли ҳудудда бундай кескин об-ҳавонинг кузатилиши ғайриоддий ҳолат ҳисобланади.

Суданда намойишлар

Суданда намойишларни бостириш бошланди; ҳарбийлар сайлов талаб қилмоқда

Судан ҳарбий раҳбарлари асосий мухолиф кучлар билан эришилган барча келишувларни рад этиб, келаси тўққиз ой ичида шошилинч сайлов ўтказилишини эълон қилган.

Ушбу эълон пойтахт Хартумда, камида, 30 инсоннинг умрига зомин бўлган ҳарбийлар томонидан намойишларни бостириш амалиёти ортидан чиқмоқда.

Бундан бироз аввал Муваққат Ҳарбий Кенгаш ва намойишчилар ҳокимиятни уч йиллик муваққат фуқаролик бошқаруви қўлига топширишга келишган эди.

Бироқ, кейинроқ, кенгаш етакчиси генерал Абдул Фаттоҳ ал-Бурҳон телевидение орқали мурожаатида ҳеч қандай келишув бўлмаслигини таъкидлаган ва намойишчиларга қарши ҳаракатлар бошланиб кетган.

Душанба куни ҳарбийлар апрель бошидан бери тинч намойиш ўтказиб келинаётган асосий нуқталарни зўравонлик билан бостиришга ҳаракат қилган, тарқалган видеоларда кучли отишма товушларини эшитиш мумкин. Бостириш чоғида, камида, 30 инсон ҳалок бўлгани айтилади.

Халқаро ҳамжамият ҳарбийларнинг ушбу амалини қаттиқ қоралаб чиққан.

Суданда ўтган йилнинг охирида бошланган норозилик намойишлари ўн йиллар давомида мамлакатни бошқариб келган президент Омар ал-Башир ҳукуматини ағдарилишига сабаб бўлган эди.

Ҳарбийлар ҳокимиятни ўз қўлига олган, аммо намойишчилар фуқаролик ҳукумати ташкил қилинмагунча, тарқалмаслигини таъкидлаб келмоқда.

BBCUZBEK.COM билан Telegram орқали +44 7858860002 номери билан боғланинг.

Telegram каналимиз: https://t.me/bbcuzbek