Катриона Грейнинг Самарқанд ва Тошкент суратлари

Британиялик иқтидорли сураткаш Катрина Грейнинг Ўзбекистон бўйлаб сафари чоғида олинган суратларини сизга тақдим этамиз

Самарқанд фонтанчалари
Сурат тагсўзи, Самарқанд саҳро ичидаги воҳадек туюлади. Бухоро ва Хиванинг жазирама иссиғидан сўнг унинг юмшоқ иқлими бизга куч берди. Ўзбекистондаги сув танқислигига қарамай, ҳар доим яқин орада фонтанчаларни кўрасиз.
Биби Хоним масжиди
Сурат тагсўзи, Айтилишича, бу масжидни Амир Темур ҳарбий юришга кетган вақтида унинг хотинларидан бири - Биби Хоним қурдирган. Бу иншоот 19 аср охирида юз берган зилзилада қаттиқ шикаст еган ва 1970-йилларда қайта тикланган.
Шоҳи Зинда яқинидаги қабристон
Сурат тагсўзи, Қабристондаги тонг. Қабрлар бошқа мусулмон мамлакатлардагиларидан фарқ қилади, уларда марҳумнинг сурати акс этган. Баъзилари жуда ёш ўтганлар.
Самарқанддаги чойхона
Сурат тагсўзи, Самарқанднинг осойишта маҳаллаларидан биридаги бу чойхонада гурунг қизиганди.
Самарқанд нони
Сурат тагсўзи, Самарқанднинг нони Ўзбекистонда энг яхши нон ҳисобланади. Меҳмонлар уни тугун-тугун қилиб олиб кетишади.
Регистон гумбази
Сурат тагсўзи, Мен Регистоннинг мовий гумбазларида усталар уларни бўяётганларини кўриб ҳайрон бўлдим. Мен улар сир билан, яъни маҳсус бўёқ билан қопланади деб ўйлардим, оддий бўёқ экан.
Ургут бозори
Сурат тагсўзи, Ургут бозори ақл бовар қилмайдиган даражада катта. У ерда идиш-товоқдан тортиб гилам ва матоларгача сотиб оласиз.
Ургут бозоридаги матолар
Сурат тагсўзи, Ўзбекистондаги кундалик ҳаёт ичра менга энг ёққан нарса аёлларнинг кийиниш услуби бўлди. Ёрқин ва ранг-баранг матолардан тикилган либослари билан улар ҳар қандай манзарани безайдилар.
Ургут бозори
Сурат тагсўзи, Ургут бозорида келинчаклар учун дўппиларнинг бозори чаққон
Чорсу бозоридаги темирчи
Сурат тагсўзи, Тошкентдаги Чорсу бозори чеккасида мен ёш ва қари темирчилар темир асбобларни чархлаётган устахонани кўрдим.
Чорсу бозори
Сурат тагсўзи, Чорсу бозорининг ёпиқ қисми бир неча бўлимларга бўлинган. Буниси салқингина, унда аёллар қатиқ ва сузмаларни сотишади.
Шамол
Сурат тагсўзи, Ўзбекистонда тўсатдан шамол кўтарилиши мумкин. Бу суратни олаётганимда бирдан чанг-тўзон кўтарилиб, дарахтлардаги тут ва шафтолилар тап-тап тўкилиб тушди.