Ўзбекистон: Мирзиёевнинг янги вертолёти сурати эълон қилинди
Сурат манбаси, Matbuot Xizmati
Президент Шавкат Мирзиёев ўзининг янги Airbus Helicopters H175 вертолётида Тошкент вилоятини айланган.
Франциянинг "Airbus Helicopters" ширкати томонидан ишлаб чиқарилган вертолёт суратини Президент матбуот хизмати Фэйсбукдаги саҳифасига жойлаштирди.
Вертолётнинг қачон ва қанчага сотиб олингани ҳақида маълумот берилмаган.
Вертоёт 7 тонна юк кўтаради, учиш тезлиги соатига 315 км.
Ўтган йил сентябрида АҚШга ташрифи ортидан Мирзиёев асли ўзбекистонлик миллиардер Алишер Усмоновнинг самолётини ижара олгани айтилганди.
Шавкат Мирзиёев пойтахт атрофи ва унга яқин минтақаларга вертолётда сафар қилиши маълум.
Сурат манбаси, Official
Чоршанба куни Президент Бекободдаги металлургия комбинатида қуйиш-прокатлаш мажмуасининг тамал тошини қўйган.
Лойиҳа Россиянинг "Газпромбанк" ва Швецариянинг "Кредит Свисс" банклари иштирокида амалга оширилаётгани айтилади.
20 август куни Бекободга бораётган Бош вазир Арипов ва ҳукумат кортежи ҳалокатга учраган, Арипов енгил тан жароҳати, унинг ўринбосари Алишер Султонов эса жиддий жароҳат олгани хабар қилинганди.
BBCUZBEK.COM билан Telegram орқали +44 7858860002 номери билан боғланинг.Telegram каналимиз: @bbcuzbek
