Хорижда Ўзбекистондаги президентлик сайловини бир киши учун ўтказилаётган тадбир, деб аташганди

Халқаро кузатувчилар Ўзбекистонни қарийб йигирма йилдан буён бошқариб келаётган Ислом Каримовнинг яна бир муддатга сайланишини танқид қилганлар.

Кутилганидек, Ўзбекистон Марказий сайлов комиссиясининг раиси Мирзоулуғбек Абдусаломов президентлик сайловида Ислом Каримов ғалаба қилганини эълон қилган.

Тошкентда Марказий сайлов комиссияси раҳбари Мирзоулуғбек Абдусаломов брифинг ўтказган, президентлик сайловининг дастлабки натижаларини эълон қилган.

Ўзбекистон Марказий сайлов комиссияси маълумотларига кўра, жорий президент Ислом Каримов учун жами сайловчиларнинг 88,1 фоизи овоз берган.

Президент Ислом Каримовнинг ғалабасини қандай баҳолайсиз?-мавзуни "Сўз Сизга" форумида мубоҳаса этиш учун бу ерга босинг

Аслиддин Рустамовнинг 3,17 фоиз, Дилором Тошмуҳамедованинг 2,94, Акмал Саидовнинг 2,85 овоз тўплашгани эълон қилинган.

Ўзбекистоннинг сайлов учун масъул идорасига кўра, сайловда жами сайловчиларнинг 90,6 фоизи иштирок этган.

Ўзбекистондаги президентлик сайловини хорижлик кузатувчилар танқид қилганлар, Оврўпода Хавфсизлик ва Ҳамкорлик ташкилоти эълон қилган баёнотда сайловнинг ҳукуматнинг қаттиқ назорати остида ўтгани, сайловчиларга асл танлов имконияти берилмагани урғуланган.

Оврўпода Хавфсизлик ва Ҳамкорлик ташкилоти: 'Ўзбек сайловида асл танлов бўлмади'

Ўзбекистон Конституциясига биноан амалдаги Президент Ислом Каримовнинг иккинчи ва охирги муддати шу йил бошида ниҳоясига етган, аммо сайлов мулозимлари шундай изоҳ беришганки, гўё жаноб Каримов расман иккинчи муддатга сайланмоқда.

Президент Ислом Каримов Ўзбекистонни 1989 йилдан буён бошқариб келади.

Ислом Каримов президентликка қайта сайланмоқда