Бир миллион фунтлик лотерея чиптаси уч ой сумкада ётган
Джейн О'Брайен исмли аёл май ойида сотиб олган лотерея чиптасини ўз сумкасидан топгач, бу чипта 1 миллион фунт ютганини билган.
Лондон транспорти муассасида ишлайдиган 36 яшар О'Брайен хонимлари ғарбий Лондоннинг Руслип мавзесида яшайди.
У ўз сумкасининг оғир бўлиб кетганидан кейин янги сумкача тута бошлаган экан.
Эски сумкасини титкилаётган маҳали унинг кўзи лотерея чиптасига тушиб, нонушта пайтида текшириб боқса - EuroMillions чиптаси бир миллион фунтга арзигулик бўлиб чиққан.
Джейннинг айтишича унинг вақти-бевақт омади юришиб қолади.
Сумканинг бир бурчагига тушиб қолган чипта 10 май ўйинида қатнашиш учун олинган экан.
О'Брайеннинг айтишича у ўз онасига қўшни бўлган уйда яшайди.
"Энди бу пул билан орамиздаги деворни олиб ташлаб боғимизни каттайтирамиз!" - деб айтган лотерея ғолиби.
