پینتیس سالہ ڈراوڈ اب تک ایک سو تیس ٹیسٹ کھیل چکے ہیں

پینتیس سالہ ڈراوڈ جنہوں انیس سو چھیانوے میں آغاز کیا تھا اب تک ایک سو تیس ٹیسٹ کھیل چکے ہیں لیکن انہوں نے کیرئر کے آخری چھ اننگز میں صرف بتیس رن سکور کیے ہیں۔

خیال کیا جاتا ہے کہ چئرمین کرشنا ماچاری سری کانت نے ڈراوڈ کو مشورہ دیا ہے کہ وہ اپنی فارم بحال کرنے کے لیے کچھ عرصہ بین الاقوامی کرکٹ کو خیر باد کہہ کر ڈومیسٹک کرکٹ کھیلیں۔

انڈیا کے سرفہرست ٹیسٹ ہیرو سچن تندولکر اس سلسلے میں ڈراوڈ کے ساتھ ہیں اور ان کا کہنا ہے کہ ’ایسا تمام کھلاڑیوں کے ساتھ ہوتا ہے اور وہ (ڈراوڈ) محض اچھے کھلاڑی نہیں، ایک عظیم کھلاڑی ہیں‘۔

ڈراوڈ جو اب ایک روزہ میچ نہیں کھیلتے انڈین کرکٹ بورڈ کے ساتھ دو ہزار نو تک درجے اے کے مرکزی معاہدے میں ہیں۔

ان کے دو ہم عصر ساتھی سارو گنگولی اور انیل کمبلے حال ہی میں ریٹائرمنٹ کا اعلان کر چکے ہیں۔

ڈراوڈ نے اب تک ٹیسٹ میچوں میں پچیس سنچریاں اور تریپن نصف سنچریاں بنا چکے ہیں۔ انہیں ’دیوار‘ کی عرفیت سے بھی جانا جاتا ہے لیکن آخری انیس اننگزز میں انہوں نے کوئی سنچری نہیں بنائی۔

سچن تندولکر نے ڈراوڈ کے بارے میں مزید کہا ہے کہ ’یہ کوئی پہلا موقع نہیں ہے کہ کسی کرکٹر کو اس طرح کی صورت حال کا سامنا ہو‘۔

ان کا کہنا ہے ’یہ اتار چڑھاؤ ایک دائرہ ہے، کبھی آپ عروج پر ہوتے ہیں اور کبھی نہیں ہوتے۔ کسی نے کسی مرحلے پر سب کے ساتھ یہ ہوتا ہے، یہ اونچ نیچ خود میرے ساتھ ہوئی ہے‘۔