 | | | | | | | |||||||||||||||||||||||||||||||||||
| | ||||||||||||||||||||||||||||||||||||||||
|
انڈیا نے میچ اور سیریز جیت لی | ||||||||||||||||||||||||||||||||||||||||
وشاکھاپٹنم میں کھیلے جانے والے ایک روزہ میچ میں انڈیا نے سری لنکا کو سات وکٹ سے شکست دے کر میچ اور سیریز جیت لی ہے۔ انڈین ٹیم نے سری لنکا کے 259 کے جواب میں اکتالیس اوور میں تین وکٹوں کے نقصان پر مطلوبہ ہدف حاصل کر لیا۔ انڈیا کی جانب سے سورو گنگولی اٹھاون اور یوراج سنگھ پچانوے رن بنا کر نمایاں رہے۔ رابن اتھپا نے بھی نصف سنچری بنائی۔ انڈیا نے ٹاس جیت کر سری لنکا کو پہلے کھیلنے کی دعوت دی تھی۔ سری لنکا کی شروعات اچھی نہیں رہی اور اس کے چار بلے باز پہلے تیرہ اووروں میں ہی پویلین واپس لوٹ گئے تھے لیکن مڈل آرڈر نے سنبھل کر بیٹنگ کی جن میں سب سے نمایاں چمارا سلوا رہے جنہوں نے سنچری بنائی۔ انڈیا کی طرف سے ظہیر خان اور اجیت اگرکر نے دو دو کھلاری آؤٹ کیے۔ سری لنکا کے ابتدائی کھلاڑیوں میں جےسوریا صرف 22 رنز بناکر، جےوردنے صرف سات رنز اور سنگاکارا ایک رنز پر کیچ ہوگئے۔ جبکہ مارون اتاپتو صرف انیس رنز پر بولڈ ہوگئے۔ اس میچ میں انڈیا کی جانب سے مناف پٹیل کی جگہ ایس سریسانتھ کو لایا گیا جبکہ سچن تندولکر پیٹھ میں درد کی وجہ سے نہیں کھیل سکے۔ انڈیا: راہول ڈراوِڈ (کپتان)، سوربھ گنگولی، رابن اتھپا، وریندر سہواگ، یووراج سنگھ، مہیندر سنگھ دھونی، دنیش کارتِک، ظہیر خان، ہربھجن سنگھ، اجیت اگرکر، ایس سریسنت۔ سری لنکا: مہیلا جےوردنے (کپتان)، سنت جےسوریا، کمار سنگکارا، مرون اٹاپٹو، تلکرتنے دلشان، رسل آرنلڈ، پھرویز مہ روف، ملنگا بنڈارا، دلہارا فرنانڈو، لیستھ ملنگا، چمارا سِلوا۔ |  اسی بارے میں  سری لنکا نے انڈیا سے میچ چھین لیا11 February, 2007 | کھیل انڈیا کی جیت، سیریز برابر14 February, 2007 | کھیل ورلڈ کپ: انڈین ٹیم کا اعلان12 February, 2007 | کھیل وریندر سہواگ کی ٹیم میں واپسی03 February, 2007 | کھیل کمر تکلیف،تندولکر کھیلنے سے قاصر16 February, 2007 | کھیل سٹے بازکومعلومات دینے کا الزام08 February, 2007 | کھیل | ||||||||||||||||||||||||||||||||||||||||
| |||||||||||||||||||||||||||||||||||||||||
| |||||||||||||||||||||||||||||||||||||||||
