چینی تیراک دو سو میٹر بٹر فلائی مقابلوں میں پہلے اور تیسرے نمبر پر رہیں

امریکہ چون میڈلوں کے ساتھ دوسرے نمبر پر ہے جس میں سونے کے تمغوں کی تعداد سولہ اور چاندی کے تمغوں کی تعداد بھی سولہ ہے۔ جرمنی سونے کے آٹھ اور مجموعی طور پر اٹھارہ تمغوں کے ساتھ تیسرے نمبر پر ہے۔

سنیچر کے روز گیمز کی خصوصی بات یہ رہی کہ امریکی تیراک مائیکل فیلپس نے سات طلائی تمغہ جیت کر مارک اسپٹز کے ریکارڈ برابر کردیا۔

مارک فیلپس سے پہلے امریکہ کی ہی مارک اسپٹز 1972 میں اولمپک میں سات طلائی تمغے جیتنے کا ریکارڈ بنا چکے ہیں۔ لیکن سپر سٹار تیراک مائیکل فیلپس نے اسپٹز کے ریکارڈ کی برابری کرلی ہے۔

فیلپس: اب تک سات طلائی تمغے

اولمپکس کا میڈل ٹیبل

اولمپک مقابلوں کے چھٹا دن: تصاویر میں

بیجنگ اولمپکس وینیوز، تفصیلی گائیڈ

اولمپکس کی مکمل کوریج کے لیے یہاں کلک کریں

فیلپس نے اپنا ساتواں طلائی تمغہ 100 میٹر بٹرفلائی تیراکی مقابلے میں حاصل کیا ہے۔ فیلپس کے بارے میں خاص بات یہ ہے کہ انہوں نےسارے طلائی تمغے ریکارڈ بناکر حاصل کیے ہیں۔ فیلپس کی خواہش ہے کہ وہ بیجنگ اولمپکس میں 8 طلائی تمغے جیت کر تاریخ رقم کردیں۔

سنیچر کے روز میڈل ٹیبل میں جنوبی کوریا چوتھے نمبر پر، آسٹریلیا پانچویں نمبر پر، جاپان چھ اور برطانیہ ساتویں نمبر پر تھے۔ ان سبھی ملکوں نے سونے کے سات سات تمغے جیتے ہیں۔

جمعرات کو ہونے والے مقابلوں میں منگولیا نے اولمپکس میں پہلی بار سونے کا تمغہ جیتا۔ یہ اعزاز منگولیا کے جوڈو کھلاڑی توو شن بیار نے سو کلوگرام مقابلوں میں قزاقستان کے کھلاڑی کو شکست دے کر حاصل کیا۔