عبدالرشید شکور بی بی سی اردو ڈاٹ کام فیصل آباد

	’ کوشش ہوتی ہے کہ میدان میں سو فیصد کارکردگی دکھائیں‘

اقبال اسٹیڈیم میں پاکستانی ٹیم کی پریکٹس کے موقع پر پریس کانفرنس میں شعیب ملک نے کہا کہ فیلڈنگ کی کمزوری پر قابو پانے کی کوشش کی جائے گی۔

پنتیسویں اوور میں گیند کی تبدیلی سے متعلق نئے قانون کی حمایت کرتے ہوئے شعیب ملک نے کہا کہ پنتیس اوورز تک گیند نرم ہوجاتی تھی اب اس قانون سے سب کو یکساں فائدہ ہوگا۔ انہوں نے کہا کہ آئی سی سی نے تمام ملکوں سے صلاح مشورے کے بعد ہی یہ قانون نافذ کیا ہے۔

شعیب ملک نے اس بات سے اتفاق نہیں کیا کہ فری ہٹ اور اب گیند کی تبدیلی کے قانون سے ون ڈے کرکٹ بیٹسمینوں کی کرکٹ رہ گئی ہے۔ انہوں نے کہا کہ اب دوسرے یا تیسرے پاور پلے میں یہ گنجائش رکھی گئی ہے کہ تین فیلڈرز دائرے سے باہر رکھے جا سکتے ہیں۔

شعیب ملک نے کہا کہ محمد آصف کو میچ سے قبل فٹنس ٹیسٹ سے گزرنا ہوگا۔

پریشر ڈالنے کے حق میں نہیں  بہت سے باتیں کھلاڑی سے پوچھ کر بھی کرنی پڑتی ہیں شاہد آفریدی ہوں یا کوئی بھی کھلاڑی وہ کپتان کی حیثیت سے پریشر ڈالنے کے حق میں نہیں ہیں شعیب ملک

اوپننگ میں بڑے پیمانے پر تبدیلیوں کے بارے میں سوال پر شعیب ملک نے کہا کہ اس کا مقصد بھارت کے اہم دورے کے لیے اچھا اوپننگ بلے باز تلاش کرنا ہے۔